Advokat: "Rossiya nega Qatar bilan o'ynayotganini tushunmayapman"

- Esimda, o'shanda Rossiya futbol ittifoqidagi ko'plab rahbarlar Qatardagi marketlardan o'zlariga arab kiyimlarini sotib olishgandi.
Martabali mehmonlarga ajratilgan sektorlardagi quruq likopchalarni yaxshi eslayman.

O'yinga to'xtaladigan bo'lsam, o'sha bellashuvda biz ko'plab yangi futbolchilarni sinovdan o'tkazgandik. Tezkor gol o'tkazib yuborgandik. Qatarga qarshi kechgan o'rtoqlik o'yini hech nimani anglatmasdi. Hozirgi Rossiya terma jamoasidan farqli o'laroq biz o'shanda saralash bosqichida ishtirok etayotgandik. Saralash bosqichida bizga qarshi kuchli jamoalar o'ynashardi. O'sha payt uchun Qatar nazorat bahsi uchun yaxshi raqib vazifasini bajarib bergandi. Hozirgi jamoa uchun esa Qatarni raqib sifatida tanlash tushunarsiz holat.

Rossiya nega Qatar bilan o'rtoqlik uchrashuvi o'tkazayotganiga tushunmayapman. Ularni oldinda Jahon chempionati kutmoqda. Unga qadar esa rasmiy o'yinlar yo'q SHu bois har bir imkoniyatdan to'liq ravishda unumli foydalanmoq lozim. O'rtoqlik uchrashuvlarida kuchliroq terma jamoalar bilan bellashish kerak. CHunki hali aytganimdek rasmiy bahslarni Rossiya mundialda boshlaydi. Kuchli raqiblarga qarshi to'qnashuvlarda jamoaning kuchsiz taraflari ochilib qoladi.
Qatar bilan bo'ladigan o'yin ularga nimani ko'rsatadi?