Server Jeparov: “Jarohatim jiddiy yoki jiddiy emasligini tekshiruvdan so'ng bilib olamiz”

Uchrashuvdan so'ng terma jamoamiz futbolchisi Server Jeparov bahs haqida o'z fikrlarini bildirdi.

“Iordaniyaga qarshi yaxshi o'yin ko'rsatdik, deb o'ylayman. Ushbu bahs Janubiy Koreya bilan bo'lib o'tadigan uchrashuv oldidan tayyorgarlik vazifasini o'tab berdi. Eng asosiysi g'alaba qozondik. Bundan kayfiyatimiz ko'tarildi. O'yin paytida raqib futbolchisi bilan to'qnashib ketdim. Jarohatim jiddiy yoki jiddiy emasligini tekshiruvdan so'ng bilib olamiz. Janubiya Koreya bilan bo'ladigan o'yindan faqat g'alaba kutyapmiz. Men ham, jamoadoshlarim ham durang natija haqida o'ylamayapti. Biz faqat g'alaba uchun maydonga chiqamiz”, - deydi Server Jeparov.

Jahongir Sotvoldiev