“Nasaf” bugun ikkita o'rtoqlik uchrashuvi o'tkazdi

“Paxtakor” jamoasi bilan bo'lgan o'rtoqlik uchrashuvi 2:2 hisobida yakun topdi. Uchrashuvdagi "Nasaf" gollarini Ognen Krasich va Doniyor Narzullaev urishdi.

Ushbu uchrashuvda jamoa tarkibida bir qator yosh futbolchilar maydonda harakat qilishdi. Jumladan,  Jo'rabek Mannonov, Akbar Murodov, Navro'z Izatillaev va Akmal Olimov. Ular bugun juda yaxshi o'yin ko'rsatishdi.
 
Tushdan keyin “Bunyodkor” futbol akademiyasi maydonida “Obod” jamoasi bilan bo'lgan o'rtoqlik uchrashuvida "Nasaf" 3:1 hisobida g'alaba qozondi.  Bu uchrashuvdagi jamoa gollariga SHaxboz Erkinov, Dragan CHeran va Ildar Mamatkazin mualliflik qilishdi.
 
Ikkinchi nazorat uchrashuvida ham yuqorida nomlari tilga olingan yosh  futbolchilar qatorida Dilshod Xushbakov ham to'p tepdi.
 
SHunisi diqqatga sazovorki, klubimiz qoshidagi futbol maktabida etishib chiqqan yosh futbolchilar, bugungi uchrashuvda asosiy tarkib o'yinchilar bilan hamjihatlikda harakat qilishdi.
 
Jamoa o'yinchilariga bugun qisqa muddatli dam olish elon qilindi. Endi “Nasaf” jamoasi 14 noyabr kuni Qarshi shahridagi o'z qarorgohida to'liq yig'iladi.
 
"Nasaf" shu kundan, 18 noyabr kuni “So'g'diyona” jamoasi bilan bo'ladigan o'yinga tayyorgarliklarni davom ettiradi.