Andijonlik ishqibozlardan futbolchilarga ochiq xat
/ Kiritdi: BestMaster O'qilgan: 976
Xurmatli futbolchilar chempionatimiz yakunlanib borayotgan sari andijonlik muxlislarning xis hayajoni ortib bormoqda.
CHunki barchaga yaxshi malumki, bo'lajak ikki uchrashuv “Andijon” uchun nihoyatda muhim sanaladi. Yurtimizda ishqibozlik borasida etakchi o'rinlarda yuradigan Andijon xalqi kelasi yil ham sevimli jamoamizni yana oliy ligada ishtirok etishini juda-juda istaydi. Afsuski bu yilgi chempionatda ishtirokimiz maqtagulik darajada bo'lmadi. Bo'lib o'tgan ishlar va salbiy natijani qo'ya turaylik, biz andijonlik minglab ishqibozlar Siz futbolchilardan chempionatdagi so'nggi ikki turni faqat-faqat g'alaba bilan yakunlab, xalqimizga yuqori kayfiyat keltirishlaringizni so'raymiz.
Aslida shu kunlarda ishqibozlar va futbolchilar o'rtasida ochiq-muloqot o'tkazishni rejalashtirgandik. Ammo bu narsa bo'lajak muhim bahs oldidan sizlarga turlicha tasir o'tkazishi mumkin degan xulosaga kelindi va sizlarga OAV orqali ochiq xat yo'llamoqdamiz.
Tarkibdagi ko'plab futbolchilarimizga yaxshi malumki, Andijon xalqi futbolni sevadi va uni doimo qadrlaydi. Afsuski so'nggi yillarda jamoamizning ishtiroki barcha muxlislarni kayfiyatini pir qilib kelmoqda. Sizlarga ushbu ochiq xatimiz orqali bo'lajak bahslarda omad va zafarlar yor bo'lishini tilab qolamiz. Sizlardan shuni so'rardikki, “Obod” va “Navbahor”ga qarshi bahslarda maydonga chiqqaninglarda bor kuch g'ayratinglarni ishga solib, viloyat obro'si uchun, xalq uchun chinakam kurashishinglar shart va sizlar bunga majbursizlar. Ishonamizki, ayni paytdagi tarkibda to'p tepayotgan o'yinchilarning har birida g'alabaga tashnalik yuqori va ular biz kutgan ijobiy natijani qayd eta oladi. Faqat buning uchun maydonda astoydil bor kuch bilan o'ynash kifoya. Garchi sevimli jamoamiz turnir jadvalida so'nggi o'rinda borayotgan bo'lsada, bizningcha muxlislik va jamoani har bir uchrashuvda qizg'in qo'llab-quvvatlash yuqori suratda olib borilmoqda. Biz andijonlik ko'plab ashaddiy ishqibozlar nasib qilsa, chorshanba kuni Toshkentda “Obod”ga qarshi kechadigan uchrashuvga ham tashrif buyurib, futbolchilarni astoydil qo'llab-quvvatlashni maqsad qilganmiz. To'g'ri, yaqin ikki turdagi principial raqiblarimizga qarshi bahs oson o'tmaydi va ular ham maydonga chiqgach, borini beradi desak mubolag'a bo'lmaydi. Ammo futbolda engilmas raqibning o'zi yo'q. Bunga misol tariqasida joriy yilning ikkinchi davrasida o'z maydonimizda “Paxtakor” va Farg'onada “Neftchi” ustidan qozonilgan g'alabalarni keltirish kifoya. Biz ana shunday hujumkor va jozibali o'yinni sog'indik.
Bobur yurti Andijon, biz senga beramiz jon!
OLG'A "ANDIJON"!
Andijonlik muxlislar
Aslida shu kunlarda ishqibozlar va futbolchilar o'rtasida ochiq-muloqot o'tkazishni rejalashtirgandik. Ammo bu narsa bo'lajak muhim bahs oldidan sizlarga turlicha tasir o'tkazishi mumkin degan xulosaga kelindi va sizlarga OAV orqali ochiq xat yo'llamoqdamiz.
Tarkibdagi ko'plab futbolchilarimizga yaxshi malumki, Andijon xalqi futbolni sevadi va uni doimo qadrlaydi. Afsuski so'nggi yillarda jamoamizning ishtiroki barcha muxlislarni kayfiyatini pir qilib kelmoqda. Sizlarga ushbu ochiq xatimiz orqali bo'lajak bahslarda omad va zafarlar yor bo'lishini tilab qolamiz. Sizlardan shuni so'rardikki, “Obod” va “Navbahor”ga qarshi bahslarda maydonga chiqqaninglarda bor kuch g'ayratinglarni ishga solib, viloyat obro'si uchun, xalq uchun chinakam kurashishinglar shart va sizlar bunga majbursizlar. Ishonamizki, ayni paytdagi tarkibda to'p tepayotgan o'yinchilarning har birida g'alabaga tashnalik yuqori va ular biz kutgan ijobiy natijani qayd eta oladi. Faqat buning uchun maydonda astoydil bor kuch bilan o'ynash kifoya. Garchi sevimli jamoamiz turnir jadvalida so'nggi o'rinda borayotgan bo'lsada, bizningcha muxlislik va jamoani har bir uchrashuvda qizg'in qo'llab-quvvatlash yuqori suratda olib borilmoqda. Biz andijonlik ko'plab ashaddiy ishqibozlar nasib qilsa, chorshanba kuni Toshkentda “Obod”ga qarshi kechadigan uchrashuvga ham tashrif buyurib, futbolchilarni astoydil qo'llab-quvvatlashni maqsad qilganmiz. To'g'ri, yaqin ikki turdagi principial raqiblarimizga qarshi bahs oson o'tmaydi va ular ham maydonga chiqgach, borini beradi desak mubolag'a bo'lmaydi. Ammo futbolda engilmas raqibning o'zi yo'q. Bunga misol tariqasida joriy yilning ikkinchi davrasida o'z maydonimizda “Paxtakor” va Farg'onada “Neftchi” ustidan qozonilgan g'alabalarni keltirish kifoya. Biz ana shunday hujumkor va jozibali o'yinni sog'indik.
Bobur yurti Andijon, biz senga beramiz jon!
OLG'A "ANDIJON"!
Andijonlik muxlislar
Bosh sahifaga
102