O'zbek futboli yulduzlari O'FF tashkil etgan bolalar va o'smirlar futbol festivalida ishtirok etdi
/ Kiritdi: BestMaster O'qilgan: 1060
Avval xabar berganimizdek, 7 noyabr kuni Toshkentda bolalar va o'smir futbolchilar murabbiylari uchun o'quv kurslari tashkil etilgandi.
Ushbu kurs yakunida, bugun 11 noyabr kuni, O'FFning suniy qoplamali maydonida bolalar uchun futbol festivali tashkil etildi.
Ushbu festivalda umumiy o'rta maktablarda tahsil oladigan 8 – 12 yoshli bolalar va qizlar ishtirok etdi. Bolalar va qizlar FIFA seminari ishtirokchilari bo'lgan murabbiylar o'rgatgan turli mashqlar, futbol elementlarini bajarishdi.
Takidlash kerakki, yosh futbolchilarga O'zbekiston milliy terma jamoasi sobiq azolari – Temur Kapadze, Anvar G'ofurov, Viktor Karpenko hamda Ulug'bek Baqoev mahorat darslari o'tib berdi.
Festival yakunida bolalar o'zbek futboli yulduzlari bilan esdalik uchun suratga tushishdi, ulardan dastxat va sovg'alar olish imkoniga ega bo'lishdi.
Bosh sahifaga
204
