Fahad Al Mirdasi O'zbekistonning Janubiy Koreya bilan o'yinlarida uchinchi marta ishlaydi

1985 yilda tug'ilgan hakam 2011 yil xalqaro o'yinlarni boshqarishni boshlagan. OFK ushbu hakamning brigadasini 2015 yilning eng yaxshi brigadasi deb topgan edi.

Mirdasi O'zbekiston milliy terma jamoasining Osiyo Kubogi-2015 chorak finali doirasidagi Janubiy Koreyaga qarshi o'yinda bosh hakam bo'lgan. O'sha uchrashuvda koreyslar 2:0 hisobida zafar quchishgandi.

Bu hakam O'zbekiston olimpiya terma jamoasining Bangladeshdagi saralash bahslari doirasidagi ikki uchrashuvida faoliyat olib bordi. Bangladeshga qarshi uchrashuvda Baxtiyor Ashurmatov boshchiligidagi jamoamiz 4:0 hisobida zafar quchishgan bo'lsa, Suriyaga 1:2 hisobida yutqazib qo'ygandik.

2016 yil boshida Qatar mamlakatida bo'lib o'tgan U-23 Osiyo chempionatida Janubiy Koreya - O'zbekiston uchrashuvida ham aynan shu Al Mirdasi ishlagandi. Vakillarimiz 1:2 hisobida mag'lub bo'lgan o'yinda bosh hakam darvozamiz tomon shubhali penalti belgilagan edi.

TAS-IX emas