“Metallurg”: Nazorat uchrashuvida “Bunyodkor” mag'lubiyatga uchratildi

“Bunyodkor” futbol akademiyasi maydonida bo'lib o'tgan mazkur uchrashuvda bekobodliklar 3:1 hisobida g'alaba qozonishdi.

Uchrashuvning dastlabki daqiqalaridanoq tashabbusni o'z qo'liga olgan “Metallurg” futbolchilari birinchi taymning o'zida mezbonlar darvozasiga ikkita gol kiritishga muvaffaq bo'lishdi. Dastavval, o'ng qanotda o'yin qoidasi buzilgach, jarima zarbasini Dilmurod Karimov amalga oshirdi. U to'pni darvozaning olis burchagi yaqiniga etkazib berdi va himoyachilar taqibisiz qolgan Doniyor Odilov hisobni ochdi. Taym tugashiga yaqinroq esa Davronbek Karimqulovning chap qanotdan uyushtirgan driblingi “Bunyodkor” himoyachilari uchun kutilmagan hol bo'ldi. Ikki o'yinchi orasidan bemalol o'tib ketgan Karimqulov Murodjon Zuhurov bilan yakkama yakka chiqdi va hisobni 2:0 ha etkazdi. Mezbonlar tarkibidagi SHahzodbek Nurmatov, Minori Sato, Bahodir Nasimovlarning vaziyatni o'nglashga bo'lgan urinishlari esa samara bermadi.

Ikkinchi taymda har ikkala jamoa murabbiylari tarkiblarni deyarli to'liq almashtirishdi. O'z navbatida muxlislar bu taymda ham darvozalarga ikkita to'p kiritilishiga shohid bo'lishdi. Avvaliga mezbonlar hisobdagi farqni qisqartirishgan bo'lishsa, taym o'rtalarida Namozov – Abdullaev – SHotursunov kombinaciyasi Farruxning bo'sh qoldirilgan darvozaga gol kiritishi bilan yakunlandi – 3:1.

 

“Bunyodkor” – “Metallurg” – 1:3 (0:2). 11.11.2016 yil. “Bunyodkor” akademiyasi maydoni.

Gollar: 0:1 – Doniyor Odilov (18), 0:2 – Davronbek Karimqulov (37), 1:3 – Farrux SHotursunov (75).

“Metallurg”: Zafar Safoev (Suhrobjon Sultonov), Davronbek Karimqulov (SHerzod Jalilov), Hikmat Hoshimov, Doniyor Odilov, Mirg'iyos Sulaymonov, Jahongir Abdumo'minov (Farhod Namozov), Murodjon Toshmatov (Ergash Ismoilov), Javohir Esonqulov (Muhammadodil Qahramonov), Ayubxon No'monov (Ulug'bek Xudoyberdiev), Dilmurod Karimov (Farrux SHotursunov), Zohid Abdullaev (Jasur Ahmedov).