Asliddin Meliboev: “O'z ustimda ko'p ishlab, albatta asosiy tarkib o'yinchisi bo'laman”
/ Kiritdi: BestMaster O'qilgan: 927
Birinchiliganing qoldirilgan 24-tur uchrashuvlarida “Kosonsoy” - “Zomin” uchrashuvi ham bo'lib o'tadi.
Uchrashuvdan oldin, mehmonlar himoyachisining o'yin haqida quyidagi fikrlarini bildirdi.
- Ketma-ket ikkita durangdan so'ng, mehmonda “Xotira-79” jamoasi ustidan g'alaba qozondilaring. G'alaba bilan tabriklayman.
- Rahmat.
- Siz o'z vaqtida viloyat ikkinchi ligasida ishtirok etadigan “G'allakor-Barsa” jamoasida o'ynagansiz va asosiy tarkib o'yinchisi ham bo'lgansiz. “Zomin” jamoasiga kelganizdan so'ng, asosan zaxiradan maydonga tushmoqdasiz. Buning sababi nimada?
- “Zomin” jamoasi tarkibida tajribali futbolchilar yig'ilgan. Raqobat ham kuchli. O'z ustimda ko'p ishlab, albatta asosiy tarkib o'yinchisi bo'laman.
- “G'allakor-Barsa” jamoasining o'yinlarini kuzatib borasizmi?
- Ha. Imkon qadar ushbu jamoaning o'yinlarini kuzatib borishga xarakat qilaman. Adashmasam jamoa keyingi yilgi Birinchi liga musobaqalariga yo'llanma olgan. Faqat Birinchi liganing o'tish o'yinlarida yutsa bo'ldi, Birinchi liga ishtirokchisiga aylanadi.
- “Kosonsoy” jamoasiga qarshi qay tarzida tayyorgarlik ko'ryapsizlar?
- Raqiblarimiz hozircha musobaqaning so'ngi o'rinlarining birida bormoqda, shunday bo'lsada raqibimizni hurmat qilgan xolda uchrashuvga jiddiy tayyorgarlik ko'rmoqdamiz va g'alaba qozonishga harakat qilamiz.
Akmal Raxmatullaev suhbatlashdi.
Bosh sahifaga
130