O'zbekiston yoshlar terma jamoasi ettinchi bor Osiyo chempionatida ishtirok etadi
/ Kiritdi: BestMaster O'qilgan: 1207
Kecha Jasur Abduraimov boshchiligidagi O'zbekiston yoshlar terma jamoasi keyingi yil Bahraynda bo'lib o'tadigan Osiyo chempionatiga yo'llanma oldi.
Yoshlarimiz saralash bosqichida Butan (7:0), SHri-Lanka (3:0) va Bangladesh (4:0) ustidan g'alabaga erishib qita birinchiligiga yo'llanmani qo'lga kiritishdi.
SHu tariqa, O'zbekiston yoshlar terma jamoasi ettinchi marta Osiyo chempionatiga chiqdi. Bungacha yoshlarimiz 2002, 2004, 2008, 2010, 2012 va 2014 yillarda o'tkazilgan chempionatlarda qatnashgan.
2008 yilda Ahmad Ubaydullaev boshchiligidagi O'zbekiston yoshlar terma jamoasi qita chempionatida kumush medallariga ega chiqqan.
Oxirgi ikki musobaqada jamoamiz yarim finalga qadar etib borgan.
Eslatib o'tamiz, U-19 Osiyo chempionati 2016 yil Bahrayn mamlakatida bo'lib o'tadi. Musobaqa 13 oktyabrda boshlanib 30 oktbyar kuni yakuniga etadi. Qita chempionatida yarim finalga chiqqan to'rt jamoa 2017 yil Janubiy Koreyada bo'lib o'tadigan U-20 Jahon chempionatiga yo'llanma oladi.
2008 yilgi Osiyo vice-chempionlari
Bosh sahifaga
224