Bahodir Nasimov: “Janubiy Koreyada jamoaviy o'yin yo'q”

SHiddatli bahs oldidan Toshkentning “Bunyodkor” klubi futbolchisi Bahodir Nasimov vakillarimizga omad tilab, ularni qo'llab-quvvatlashlarini bildirdi.

“Ko'pchilik Janubiy Koreyani kuchli deb o'ylaydi. Muxlislarning yodida bo'lsa 2015 yil Avstraliyada bo'lib o'tgan Osiyo chempionatida koreyslar bilan to'qnash kelgandik.

“Osiyo yo'lbarslari” o'sha bahsda 90 daqiqa bizga qarshi hech nima qila olmagan edi. O'zimizda ham bir-ikkita xavfli vaziyatlar bo'lgan edi. Ulardan unumli foydalana ololmagandik. Qo'shimcha vaqtda ular himoyadagi xatoyimizdan foydalanib darvozamizni ishg'ol qilgandi. Janubiy Koreya emas O'zbekiston terma jamoasi ham kuchli hisoblanadi.

Koreyslarning 3, 4 nafar futbolchisi Evropa jamoalarida to'p tepishi mumkin, bu bilan ularning tarkibi kuchli degani emas. Janubiy Koreyada avvalgiga qaraganda ayni damda jamoaviy o'yin yo'q.

Misol uchun, Islandiya terma jamoasini olaylik, ular qanday natija ko'rsatishmoqda? Futbolda nomlar rol o'ynamaydi. Futbol jamoaviy o'yin sport turi hisoblanadi. Vakillarimiz bir-birini qo'llab-quvvatlan, maydonda 100 foiz o'yin ko'rsatda biz albatta bugun g'alaba qozonamiz.

Nasib qilsa bugun vakillarimiz noxush ananaga chek qo'yadi. Faqat g'alabani o'ylasa durangni o'zi keladi. Agar durang natijani o'ylasak mag'lubiyatga uchrashimiz mumkin. SHuning uchun ham maydonga faqat g'alaba qozonish uchun chiqish kerak. Nasib qilsa O'zbekiston yurtimizga g'alaba bilan qaytadi. Biz ularni qo'llab-quvvatlaymiz”, - deydi Bahodir Nasimov.

Jahongir Sotvoldiev