Igor SHkvirin: "Hamma narsa o'yinga qanday tayyorgarlik ko'rilganiga bog'liq"

- To'g'risini aytaman, bashorat qilishni yoqtirmayman. Qolaversa, futbolda oldindan nima bo'lishini aytish qiyin. Albatta, Janubiy Koreyada jamoamizni jiddiy bahs kutib turibdi. O'yin har ikkala terma jamoa uchun ham oson o'tmasligi aniq. Janubiy Koreya Osiyoning eng kuchli terma jamoalaridan biri sanaladi. Ular har qanday turnirlarda doim favorit sifatida tilga olinishadi. Lekin futbolda yutib bo'lmaydigan jamoaning o'zi yo'q va har qanday raqib bilan o'ynasa bo'ladi. Hamma narsa o'yinga qanday tayyorgarlik ko'rilganiga bog'liq.

Umid qilamanki,  terma jamoamiz Janubiy Koreyadan ijobiy natija bilan qaytadi. Terma jamoamizga muxlislik qilgan holda qo'llab-quvvatlaymiz hamda omad tilaymiz.

Agar Janubiy Koreyadan ochko olib qaytsak, Jahon chempionatiga chiqish uchun imkoniyatlarimiz yanada oshadi. Ammo oldinda ikkinchi davra bahslari turibdi. SHu bois barcha masala kelasi yili hal bo'ladi. Albatta, terma jamoamizni Rossiyada o'tadigan jahon chempionatida ishtirok etishini xohlaymiz. Buning uchun jamoamizda imkoniyat bor.