Birodar Abduraimov: "90 daqiqaga kuchimiz etmadi"

"Ikki taymda ikki xil o'yin bo'ldi. Birinchi bo'limda jamoamiz juda ajoyib o'yin namoyish etdi, gap so'z yo'q va shunga yarasha tanaffusga g'olib sifatida chiqib ketdik. Lekin futbol ikkita bo'limdan iborat ekanligini unutib qo'ymadikmi? Jismoniy tomondan biz ojizlik qildik. Buni ochiq aytish kerak, 90 daqiqaga kuchimiz etmay qoldi.

Nima uchun Janubiy Koreyaning kuchi 90 daqiqaga etdiyu bizniki etmadi? Demak mana shu tomonlama xatolarni to'g'rilash va kelajakda bu kabi holatlar qaytarilmasligi uchun ko'proq ishlash kerak.

Qaysi terma jamoalarning jahon chempionatiga chiqishi oxirgi turdan keyin hal bo'ladi. Ungacha jamoalarda imkoniyat bo'ladi. Bizda hali imkoniyat bor. Lekin keyingi yilgacha 2-o'rinni saqlab qolganimizda yanada yaxshi bo'lardi. Futbolchilarimizning kayfiyati ham ko'tarinki bo'lardi", - deydi Birodar Abduraimov "Futbol Ekspress" gazetasiga bergan intervyusida.