Temurxo'ja Abduxoliqov: "CHempionlikka erishishdan ko'ra uni himoya qilish juda ham qiyin"

Ushbu bahsdan so'ng "temiryo'lchilar" futbolchisi Temurxo'ja Abduxoliqov o'z fikrlarini bildirdi.

"CHempionatimiz biz uchun juda ham og'ir o'tdi. uchrashuvlarda katta bosim ostida harakat qildik. Muddatidan avval chempion bo'lganimiz uchun bugungi uchrashuvda bosimlardan holi bo'lib maydonda harakat qildik.

Menimcha bugun muxlislarga yoqadigan futbol namoyish etdik, deb o'ylayman. Ushbu chempionlikka erishi uchun juda ham uzoq yo'lni bosib o'tdik. Uchta frontda harakat qildik. Biz uchun bu juda ham qiyin bo'ldi. Qancha asablar, qancha kuch sarflandi. Menimcha chempionlikni bunday tarzda nishonlash arziydi, deb o'ylayman.

CHempionlikka erishishdan ko'ra uni himoya qilish juda ham qiyin. Kelasi yilgi chempionatimiz biz uchun bu yilgisidan ham qiyin kechishi aniq. Keyingi yili OCHL musobaqasida yaxshiroq natija qayd etishga bor kuchimiz bilan intilamiz", - deydi "Lokomotiv" futbolchisi Temurxo'ja Abduxoliqov.

Jahongir Sotvoldiev