Mirko Yelichich "Yilning eng yaxshi murabbiyi"?
/ Kiritdi: BestMaster O'qilgan: 1036
"Lokomotiv" jamoasi bilan chempionlik unvonini qo'lga kiritgan Mirko Elichich, 2016 yil yakunlariga ko'ra O'zbekistonning eng yaxshi murabbiyi etib topilishi mumkin.
Garchand o'yinlar qaydnomasida Andrey Miklyaev qayd etilgan bo'lsada, "PRO" licenziyasi yo'qligi uchun bosh murabbiy vazifasini astraliyalik mutaxassis bajardi.
SHu kungacha faqat bir marotaba horijlik mutaxassis O'zbekistonda eng yaxshi murabbiy bo'la olgan. Bu unvonga 2004 yil turkmanistonlik Tachmurod Agamurodov erishgan.
"Nasaf" kubok finalida g'alaba qozonadigan bo'lsa, Ro'ziqul Berdievning ham imkoniyati oshishi tabiiy.
SHu kungacha 6 nafar horijlik murabbiy "eng yaxshilar" qatorida etirof etilganlar. 1998 yil "So'g'diyona" murabbiyi Aleksandr Myagkov, Yuriy Vazgenovichdan keyin ikkinchi bo'lgandi. Ukrainalik Sergey SHevchenko esa ketma-ket uch marotaba laureatlar qatoridan joy olgan. U 1999 yil "Nasaf" ustozi sifatida ikkinchi o'rinni qo'lga kiritgan. 2000 va 2001 yillarda esa "Qizilqum" bilan erishgan ijobiy natijalari tufayli kuchli uchlikka kirgandi. 2004 yilda Xans-Yurgen Gede uchinchi bo'lgandi. "Mashal"dagi muvaffaqiyatidan so'ng Viktor Kumikov 2007 yilda, OFK Kubogida zafar quchgan Anatoliy Demyanenko 2011 yilda yaxshilar orasida uchinchi bo'lgan edilar.
"Yilning eng yaxshi murabbiyi" nominaciyasida eng ko'p g'alaba qozongan mutaxassis, Yuriy Sarkisyandir. "Neftchi" bilan ko'plab yutuqlarni qo'lga kiritgan metr murabbiyning hisobida 5ta sovrin bor.
"Eng yaxshi murabbiy" nominaciyasida Jasur Abduraimov ham poygaga qo'shilishini taxmin qilsa bo'ladi. Undan tashqari, "Buxoro" bilan to'rtinchi o'rinni egallagan Jamshid Saidov ham laureatlar qatoridan joy olishi mumkin.
Bosh sahifaga
1311