Ro'ziqul Berdiev: "Muxlislarimiz va futbolchilarni bronza medali bilan tabriklayman"

2016-11-19 17:20:04 / Kiritdi: BestMaster O'qilgan: 997

"So'g'diyona" - "Nasaf" (0:3) uchrashuvidan so'ng tashkil etilgan matbuot anjumanidan so'ng tashkil etilgan matbuot anjumanida mehmonlar ustozi Ro'ziqul Berdiev o'z fikrlarini bildirdi.

"Muxlislarimizni, futbolchilarimizni va barcha xodimlarni bronza medali bilan tabriklayman. Bugun "Nasaf" futbochlilari o'z saviyasida o'ynashdi, aynan shu bois g'alaba qozondik. Yigitlarimiz ancha dadil o'ynashdi.

"So'g'diyona" jamoasi oldingi yillarga qaraganda ancha barqaror o'ynadi, yigitlardagi ishtiyoq ancha katta edi. Faqat bugun emas butun mavsum davomida yaxshi o'ynashdi. Yirik g'alabaga osonlik bilan erishganimiz yo'q. Tezkor ikkita gol urganimiz bizga qo'l keldi.

Jizzax klubida himoya chizig'ida va hujumda bir nafar futbolchi bo'lsa bundan ham kuchaygan bo'lardi. SHarof Muhiddinov va Aziz G'aniev kabi futbolchilarning kelajagi yorqin. Ular o'z ustilarida ishlashda davom etishsa O'zbekistonga foyda keltiradigan futbolchi bo'lib etishishadi", - deydi Ro'ziqul Berdiev.

"Nasaf" matbuot xizmati

Teglar: roziqul, berdiev, muxlislarimiz, futbolchilarni, bronza, medali, bilan, tabriklayman,
← Oldinga Orqaga →