Oliy liga RETRO: CHempion bo'la olmagan yulduzlarning ramziy terma jamoasi

Oliy ligamiz o'z yakuniga etayotgan bir paytda, Timur Kapadze va Ignatiy Nesterov faoliyatlaridagi 11 oltin medallarini qo'lga kiritdilar. Anvar Soliev esa allaqachon 12 raqamini "urib" bo'lgan.

Biz esa O'zbkiston chempionatida o'z o'rniga ega bo'lgan, ammo biron marotaba chempionlik nashidasini surmagan futbolchilardan iborat ramziy terma jamoa tuzishga qaror qildik. Ro'yxatga, futbolchilik faoliyatini yakunlagan "to'pchililar" kirgan.

O'z paytida Stiv Jerrardga bir necha millionlik shartnomalar taklif qilingan. Ammo "Liverpul"ga bo'lgan sadoqati tufayli u klubni tark etmadi. Quyidagi futbolchilarni ham biz o'z davrining sadoqatli o'yinchilari deb bilamiz. 

Demak, 11 futbolchidan iborat terma jamoa quyidagicha ko'rinish oldi: 

Darvozabon: Pyotr Gizimchuk 

Gizimchuk faoliyatining gullagan paytlarini "Nasaf" safida o'tkazgan edi. Futbolchilik faoliyatida erisha olmagan oltin medaliga, "Lokomotiv" murabbiyi sifatida sazovor bo'ldi. 

Himoyachilar: Botir Qoraev, Diyalver Vaniev, Davron Fayziev, Kamoliddin Kenjaev.

4-4-2 ko'rinish olgan tarkibimiz ham chakki emas. OFK Kubogi sohibi bo'lgan Botir Qoraev ancha yil chempionlik yo'lida harakat qildi. Kamoliddin Kenjaev esa afsuski erta futbolni yakunlashga majbur bo'ldi. CSKA sharafini himoya qilib kelgan Davron Fayziev uchun ham chempionlik armon. Himoyachilar ro'yxatini "Mashal"da faoliyatini yakunlagan Dilyaver Vaniev yopib beradi.

Yarim himoyachilar: Ro'ziqul Berdiev, Iqbol Akramov, Sanjar Asqaraliev,  Bahodir Annamatov.

Ro'ziqul Berdiev o'sha davrning eng kuchli futbolchilaridan edi. O'sha yillar zzbek futboli tarixida eng ko'p yaxshi yarim himoyachilar yig'ilgan payt bo'lgan. Mirjalol Qosimov, No'mon Hasanov, SHuhrat Maqsudov, SHuhrat Raxmonqulov... Ular qatoriga Bahodir Annamatovni ham qo'shamiz.

"Neftchi" hamda "Navbahor" safida ajoyib o'yin ko'rsatgan Sanjar Asqaraliev ham chempionlik nashidasini sura olmaganlar ro'yxatiga kiradi. Iqbol Akramovning "Neftchi"dagi o'yinlari yodingizdami? Qanotdan yorib kirishlarichi?

Hujumchilar: Zafar Xolmurodov va SHuhrat Mirxoldirshoev.

Bir paytlar 30ta gol ursa ham MTJga kira olmagan futbolchilar dueti. Zafar Xolmurodovning boshi bilan beradigan zarbasining kuchi, hozirgi hujumchilarimizning oyoq zarbidan o'tkirroq bo'lgan bo'lsa kerak. SHuhrat Mirxoldirshoev esa qay vaqt, qaysi nuqtada bo'lishni juda ham yaxshi bilardi.  Bu ikki hujumchi o'rtasida oliy liga 2004da kechgan raqobatni kechadigek eslayman. So'nggi tur oldidan Mirxoldirshoevda 28ta, Xolmurodovda 26ta gol bor edi. "Metallurg" - "Navbahor" (4:3) o'yinida Mirholdirshoev, "Mashal" - "Nasaf" (4:3) qarama-qarshiligida Xolmurodov xet-trik muallifi bo'ladi. 

Yoshi katta o'quvchilar, Sizningcha yana kimlar ro'yxatimizdan tushib qoldi?

Nodirxo'ja Yuldashev.