Bilasizmi? "Navbahor" - safarda g'alaba qozonmagan yagona jamoa
/ Kiritdi: BestMaster O'qilgan: 886
Bugun oliy liganing so'nggi 30-turidan o'rin olgan beshta o'yin o'tkazildi. "Navbahor" derbi maqomiga ega bahsda "Andijon" mehmoni bo'lib, 0:1 hisobida mag'lub bo'ldi.
Ushbu mag'lubiyat tufayli "Navbahor" oliy liga klublari orasida safarda umuman g'alaba qozona olmagan yagona jamoa bo'lib qoldi. Namanganliklar 15ta o'yinni safarda o'tkazib, shundan ikkitasida durang qayd etishdi va 13 marta mag'lub bo'lishdi.
Natijada "Navbahor" safarda atigi 2 ochkoni qo'lga kiritib, chempionatni 15-o'rinda tugatdi. Endi ular o'tish o'yinida 28 noyabr kuni "Norin" bilan bahs olib borishadi. "Navbahor" safarda "Qo'qon-1912" va "Bunyodkor" bilan kechgan o'yinlarda durangga erishdi.
Oliy ligada muntazam ravishda qatnashib kelayotgan "Navbahor" klubi o'z tarixida ilk bor mavsumni safardagi g'alabasiz tugatdi.
Bosh sahifaga
99