Botirali Ergashev: "Bugungi o'yinda do'stlik g'alaba qozondi"

SHiddatli kechgan uchrashuvda tomonlar murosa yo'lini tanlashdi (1:1). Ushbu bahsdan so'ng "Paxtakor" klubida debyut uchrashuvini o'tkazgan Botirali Ergashev o'z fikrlari bilan o'rtoqlashdi.

"Ilk debyut o'yinimda o'zim uchun anchagina tajriba orttirib oldim, o'zimga bo'lgan ishonch ko'proq paydo bo'ldi. "Obod" jamoasiga qarshi og'ir bahs kechishini bilardik. raqiblarimiz ham yaxshi tayyorgarlik ko'rishgan ekan. Ushbu uchrashuvda yshl qo'ygan xatolarimni ko'rib chiqib o'z ustimda yanada ko'proq ishlashga harakat qilaman. Kelasi yili asosiy tarkibga kirish uchun bor kuchib bilan intilaman.

Uchrashuvning qo'shimcha vaqtida darvozani tashlab raqib jarima maydonchasi ichiga etib bordim. Futbolda tavakkal qilmasa bo'lmaydi. SHuning uchun ham g'alaba qozonishimiz uchun jamoadoshlarimga yordam berish uchun oldinga borgandim. Raqib darvozasini ishg'ol qilish uchun harakat qildik, ammo buni uddasidan chiqa olmadik. Bugungi o'yinda do'stlik g'alaba qozondi", - deydi "Paxtakor" klubi posboni Botirali Ergashev.

Jahongir Sotvoldiev