Mirjamol Qosimov: "O'ziga yarasha jang bo'ldi"

SHiddatli kechgan uchrashuvda tomonlar murosa yo'lini tanlashdi (1:1). Ushbu bahsdan so'ng "Obod" jamoasi futbolchisi Mirjamol Qosimov o'z fikrlarini bildirdi.

"Bugun "Paxtakor"ga qarshi muxlislarga yoqadigan o'yin bo'ldi, deb o'ylayman. Avvalgi yillari chempionatda bosh sovrin uchun qiziqarli kurash kechgan bo'lsa bu yil quyidagi jamoalar elitada qolish uchun ham qiziqarli uchrashuvlarni o'tkazdi. O'ziga yarasha jang bo'ldi. Elitada qolishni butun jamoa istayotgandi. Niyatimiz holis ekan, bu amalga oshdi. Maqsad bitta, iloji boricha xavfli zonaga tushib qolmaslik, edi.

Oldimizga qo'yilgan vazifani bajardik, deb o'ylayman. Bugungi o'yin uchun jamoadoshlarimga alohida rahmat aytaman. Mashg'ulotlarda ko'proq o'z ustimizda ishlash bu bizni vazifamiz. Kim maydonga tushish yoki tushmasligini murabbiylar xal qiladi", - deydi "Obod" jamoasi futbolchisi Mirjamol Qosimov.

Jahongir Sotvoldiev