Nega Belgiyada iqtidorlar ko'p?

Bom, Antverpen shaharchasi, mashinada Lilldan bir yarim soatlik yo'l. Zamonamizning eng kuchli hujumchilaridan biri ushbu shahardagi Gementeparke stadionda futbol saboqlarini olgan.

Rojer Lukaku shu erdagi mahallik "Rupel" klubida uch yil o'ynab, o'g'li - Rojer Menama Lukaku, Romeluni olib kelgan. Rojerning esa mashinasi juda ko'p buzilardi, Romelu esa tez-tez mashg'ulotlarga kech qolar edi, ammo hamma uni kutgan - boshqa bolalar mashg'ulotni usiz boshlashni istashmasdi. Ularning orasida "Rupel Bom" jamoasi murabbiyi Ervin Voskining o'g'li Nils ham bor edi. Agar Romelu yarim soatdan ortiq ushlanib qolsa, Nils ularning uyiga borardi.

"Lukaku bizga 1999 yilda kelgan. Uyatchan, so'zlarni o'zimiz sug'urib olardik va avvaliga uning ismi Romelu emas Romeli deb o'ylaganmiz. U past ovozda o'zini tanishtirdi, biz noto'g'ri eshitdik, u esa to'g'irlashdan uyaldi" - deydi Voski Het Nieuwsblad gazetasiga bergan intervyusida.

Uning haqiqiy ismi Rojer Lukaku o'g'lining tug'ilganlik haqidagi guvohnomasini olib kelganida aniqlandi. "Rupel Boma" mashg'ulotlarida bazi ota-onalar etiroz bildirishardi: "Yirikligini qarang, u bolalardan 2 yoshga kattaroq-ku!". Aslida Romelu Lukaku so'ratda o'ng tarafda o'tirgan bolalardan 2 yoshga kichik edi.

10 yildan so'ng Romelu va uning birinchi murabbiyining o'g'li Nils Voski "Bersxot" va "Lers" uchrashuvida to'qnash kelishdi. Romelu to'p uchun kurashda raqibini mag'lub etdi. Nils uning futbolkasiga osilib, katta masofani bosib o'tdi. Lukaku buni sezmay o'n, yigirma, o'ttiz metr yugurdi va gol urdi. Ushbu o'yindan so'ng "Anderlext" Romeluni chaqirib oldi.

"Romelu bizga 20 yoshligida kelgan. U kuchli va tezkor edi, ammo texnika borasida no'noq bo'lgan. Biz uni rivojlantirdik" - deydi "Anderlext" yoshlari murabbiyi.

To'qsoninchi yillarda yosh belgiyaliklarning o'sishiga Belgiya futbol federaciyasi texnik direktori Mishel Sablon yordam beradi. Italiyadagi jahon chempionatida u Belgiya terma jamoasi murabbiylar shtabida edi. Angliyaga qarshi 1/8 final bahsida qo'shimcha vaqtlar yakunlanayotganida u penaltichilar ro'yxatini tuzib chiqdi, ammo so'nggi soniyalarda Devid Platt juda chiroyli gol urib, belgiyaliklarni turnirdan chiqarib yubordi. O'shanda Sablon qo'lidagi ro'yxatni g'ijimlab, otib yuborgan ekan.

Sakkiz yildan so'ng Belgiya futbol federaciyasida pasayish kuzatildi: Jamoa jahon chempionatiga chiqa olmadi, Gollandiya va Meksikani o'tkazib yuborishdi va biror marotaba ham g'alaba qozonishgani yo'q. Sablonga Belgiya futbolini qayta tashkil qilish rejasini tuzish vazifasi topshirildi. Sablon Belgiya yoshlar terma jamoasi murabbiyi Bob Brovaysni o'ziga yordamchi qilib oldi. To'qsoninchi yillar oxirida Belgiyaning yoshlardan tashkil topgan jamoalari turli sxemalarda o'yshardi. Bazilar 4-4-2 ni maqul ko'rsa, boshqalar 3-5-2 dan foydalanardi. Sablon va Brovays murabbiylarga 4-3-3 sxemasiga o'tishni, chunki bu o'smir futbolchilarga o'sishda katta yordam berishini aytadi.

SHu bilan birga, Sablon va Brovays belgiyalik futbolchilarda dribling va improvizaciyani oshirishni xohlashdi. Ular murabbiylarga bolalarni taktik ramkaga solmasdan, ularga o'zlari istagandek o'ynashga imkon berishni aytishdi. Leven universiteti professori Verner Xelsen Sablon iltimosiga ko'ra, Belgiyaning bolalar va o'smirlar jamoasi ishtirokidagi 1.5 mingta mashg'ulot va uchrashuvini o'rgandi va kuzatuvlar natijasini taqdim etdi: sakkiz yoshli bolalar yarim soat ichida to'pga bor-yo'g'i 2 marotaba teginar ekan.

Sablon akademiya direktorlariga g'alabaga intilmay, har bir futbolchining o'sishiga etibor qilishni maslahat berdi. Bolalar futbolida maydondagi o'yinchilar soni chegaralandi: etti yoshgacha bo'lgan bolalar avvaliga 2 ga 2, keyin 5ga 5, kattaroqlari esa - 7ga 7 o'ynashdi. Bundan maqsad - to'pga ko'proq teginib, texnikani rivojlantirish.

O'smirlar terma jamoalari murabbiylari avvaliga quloq solishdi, keyin g'azab otiga minishdi: "Biz 4-3-3ga o'tdik va mag'lub bo'lyapmiz. Tez orada Evropa chempionati boshlanadi. Ushbu tizimga rioya qilib, guruhdan chiqish uchun kurashmasligimizni istaysizmi?" - "Ha, shuni xohlayman"- deb javob berdi Sablon.

1998 yildan 2002 yilgacha Belgiya futbol federaciyasi hukumat bilan birgalikda mamlakat bo'ylab 14 yoshdan 18 yoshgacha bo'lgan bolalar uchun 8 ta maktab ochishdi. Bu maktablar ochishdan maqsad - bo'lajak futbolchilar o'z klublarida o'tkazgan mashg'ulotdan so'ng, yana shug'ullanishish. Ikki martali mashg'ulot tizimidan Kevin De Bryuyne, Dris Mertens, Tibo Kurtua, Musa Dembele, Stiven Defur, Aksel Vitcel va Nosir SHodli muvaffaqiyatli o'tishdi.

SHu bilan birga, 2007 yilda "Anderlext" Purple Talents programmasini ishga tushirdi: Bryusseldagi ikki maktabda texnikani rivojlantirish uchun soatlik mashg'ulotlar o'tkazila boshlandi. Bunday mashg'ulotlarga aka-uka Romelu va Jordan Lukakular qatnashishgan. Tez orada "Anderlext" sxemasidan "Genk" foydalana boshladi (Defur, De Bryuyne, Kurtua).

Sablon maslahatlariga ko'r-ko'rona yondoshishmadi. Masalan, "Anderlext" akademiyasidagi 14 yoshgacha bo'lgan bolalar 4-3-3 emas, 3-4-3 sxemasida o'ynshardi. Bunga sabab, himoyachilarni qiyinroq vaziyatga tushirib, ularni rivojlantirish bo'lgan. Natijada Belgiya jahon reytingida sezilarli darajada pastga sho'ng'idi, jamoa 60-o'ringa tushib ketdi va ketma-ket beshta yirik turnirni o'tkazib yubordi, keyin esa tezda yuqori o'rinlarni band etdi. 15 oktyabrdan 15 aprelgacha FIFA reytingida kuchli uchlikka kirdi.