Lev Yashinga gol urgan Ravshan Yunusov haqida

Futbol bilan taxminan 10 yoshlarida, 1956 yilda Toshkentdagi "Spartak" stadioniga borganida qiziqa boshlagan. Uning dastlabki murabbiyi Maruf Akbarov yigitchadagi iqtidorni darxol payqay oladi va uni hujum chizig'iga qo'yadi. SHu tariqa Ravshan Yunusov futbolga kirib keladi.

Futbol maktabini tugatganidan so'ng "Dimitrovec" jamoasi azosiga aylanadi. O'zbekiston o'smirlar terma jamoasida o'ynagan va 1966 yili bronza medali sohibiga aylangan. Bu esa Yunusovning 1967 yilda "Paxtakor" azosiga aylanishida muhim rol o'ynagan.

Ravshan Bekovich o'z davrining kuchli jamoalari hisoblangan "Dinamo", "Zenit", "Ararat" kabi klublarga qarshi o'ynagan. Lev Yashin darvozasiga gol kirita olgan kam sonli futbolchilardan biri bo'lgan...

Keyinchalik, murabbiylik faoliyatini olib boradi. Nafaqaga chiqish oldidan esa Toshkentdagi "Istiqlol" sport majmuasi direktori lavozimida faoliyat olib borgandi.