Ro'ziqul Berdiev: “Bugun maydonga tushgan o'yinchilarimiz ishonchimizni oqlashdi"

- “Mashal” jamosining keyingi o'yinlarini juda yaxshi o'rganib chiqqan edik. SHundan kelib chiqqan holda futbolchilarimizga ko'rsatmalar berdik, ular bugun barcha ko'rsatlarimizni yaxshi bajarishdi. Bugun asosan yosh futbolchilarimizdan ko'proq maydonga tushirdik, yani ularga imkon berdik. Ular ham bugun ishonchimizni oqlashdi.
 
Biz bugun jamoamiz o'yinchilariga raqibning o'z o'yinini o'ynashga imkon bermaslikni tayinlagan edik. O'zlaringizga malum, “Mashal” jamoasi taktik jihatdan yaxshi harakatlanadigan jamoa hisoblanadi. SHu tomonlarini yigitlarimizga yaxshi tushuntirgan edik. Jamoamiz bugun bexato harakat qildi.
 
Umuman olganda bu yilgi chempionatni yomon yakunlamadik, yana uchinchi o'rinni egallab, bronza medalini qo'lga kiritdik. Bu yutuq bilan barcha muxlislarimizni tabriklayman hamda biz bilan birga bo'lganlari uchun ularga tashakkurlar aytamiz.
 
Hozirgi tarkib birinchi davrada bo'lganda? To'g'ri, avvalo biz OCHLda og'ir o'yinlarni o'tkazdik. Futbolchilarimizdagi toliqishlar ham, jarohatlar ham birinchi davradagi o'yinlarimizga salbiy tasir ko'rsatdi. Natijada juda ko'p ochko yo'qotdik. Ikkinchi davra oldidan bu muammolar barham topdi. Albatta agar mavsum boshidan bizda shunday tarkib bo'lganda, natijalarimiz ham bundanda ijobiy bo'lishi mumkin edi. Ikkinchi davra oldidan safimizga qo'shilgan yangi o'yinchilarimiz ishonchimizni oqlashdi.
 
Biz tayyorgarlik mashg'ulotlarini finalga moslab olib borayapmiz. Yigitlarimiz ham final uchrashuvidagi masuliyatni his qilib turishibdi. Bu haqda ularga ortiqcha tushuntirishni ham hojati yo'q. O'ylaymanki, yigitlarimiz final uchrashuvini ko'ngildagidek o'tkazishadi", - deydi Ro'ziqul Berdiev.