Sergey Lushan: "15 dekabrdan yangi mavsumga tayyorgarlikni boshlaymiz"
/ Kiritdi: BestMaster O'qilgan: 775
O'zbekiston kubogi yarim final doirasidagi "Bunyodkor" - "Lokomotiv" uchrashuvidan so'ng tashkil etilgan matbuot anjumanining ikkinchi qismida "qaldirg'ochlar" bosh murabbiyi Sergey Lushan qatnashdi.
- Yaxshi o'yin guvohiga aylandik. Men futbolchilarga etiroz bildira olmayman. Vaziyatlar yaratdik. Ammo ularni samarali yakunlashda oqsadik. Biz uchun mavsum tugadi. Buyog'iga 15 dekabrdan boshlab yangi mavsumga tayyorgarlik ko'rishni boshlaymiz.
Nega jamoam muhim o'yinlarda yutqazmoqda? Bilmadim. Bu savolga javob berish qiyin. Yuzlab misollarni aytish mumkin. Ammo bu savolga aniq javob yo'q.
Lekin aynan meni boshqaruvimda jamoa muhim o'yinlarda yutqazmoqda deydigan bo'lsak, unda men xotirjamman. Masalan OCHLda vazifani uddaladim. CHempionatda ikkinchi o'rinni qo'lga kiritdik. Futbolda nimanidir yaratish juda qiyin. Men ko'proq yaratuvchan murabbiyman. Natijalar borasida meni tanqid qiladigan ko'plab topilmoqda. Meni ishim shuni taqozo etadi.
Bosh sahifaga
170