“Lokomotiv” ham, “Nasaf” ham kubok bahslarida bir martadan zafar quchishgan
/ Kiritdi: BestMaster O'qilgan: 870
Xabaringiz bor, Toshkentning “Lokomotiv” klubi ikki o'yin natijasiga ko'ra “Bunyodkor”ni 2:0 hisobida mag'lub etib, mamlakat kubogi finaliga yo'llanmani qo'lga kiritdi.
SHu tariqa, “Temiryo'lchilar” o'z tarixida ikkinchi marta O'zbekiston kubogi finalida o'ynaydigan bo'lishdi.
Finalda esa “Loko”ga kubokning amaldagi sohibi – Qarshining “Nasaf” jamoasi raqiblik qiladi. SHu o'rinda takidlash joizki, “Nasaf” o'tgan yili “Bunyodkor”ni 2:1 hisobida mag'lub etib, o'z tarixida ilk bor kubokka ega chiqqan edi. Qiziq jihati shundaki, “Lokomotiv” ham o'z hisobida hozircha yagona bo'lib turgan mamlakat kubogiga ikki yil avval aynan “Bunyodkor”ni mag'lub etgan holda erishgandi. SHu tariqa, kubok bellashuvlarida bir martadan zafar quchgan ikki klub bu safar o'zaro bahs yuritishadi.
Finalchilarning O'zbekiston kubogini qo'lga kiritgan yili:
“Lokomotiv” – 1 marta (2014 yil)
“Nasaf” – 1 marta (2015 yil)
Takidlab o'tamiz, 2016 yilgi O'zbekiston kubogi final uchrashuvi 30 noyabr kuni Samarqand shahridagi “Dinamo” o'yingohida bo'lib o'tadi.
Bosh sahifaga
1872