“Metallurg” tatilga chiqdi

Unda ortda qolgan mavsum sarhisobi va kelgusi mavsum rejalari ko'rib chiqildi. Dastavval jamoa bosh murabbiyi Rustam Mirsodiqov futbolchilarga ajoyib mavsum uchun minnatdorchilik bildirdi. Jamoa o'z oldiga qo'ygan vazifani sharaf bilan uddalaganini, chiroyli, hujumkor futbol namoyish etib muxlislar olqishiga sazovor bo'lganligini takidlab o'tdi. Ayniqsa grand jamoalarga qarshi Bekobodda o'tkazilgan uchrashuvlarda namoyish etilgan futbol ishqibozlar-u, mutassaddilar etirofiga sazovor bo'lganligini qayd etdi. Bazi jamoalarga qarshi o'yinlarda qimmatli ochkolar boy berilmaganligida jamoa bundanda yuqoriroq pog'onalarni zabt etishi mumkinligini, biroq ayni damdagi natija ham yomon emasligini takidladi. Yigitlarga mavsum davomidagi charchoqlarini chiqarib, maroqli dam olib qaytishlarini tiladi.

SHundan so'ng klub azolari to'kin dasturxon atrofida mavsumning eng esda qolarli voqealarini eslashdi. Miriqib suhbatlashishdi, keyingi mavsum rejalari haqida gaplashildi.

SHuning bilan, “Metallurg” futbol klubi azolari dekabr oyining 20 sanasigacha tatilga ketishdi.