Toxir SHamsiddinov: "Maqsadimiz faqat g'alaba edi"

SHiddatli o'tgan bu bellashuvdan so'ng "Navbahor" himoyachisi Toxir SHamsiddinov o'z fikrlari bilan o'rtoqlashdi.  

- Toshkentga faqat g'alaba uchun kelgan edik - deya  so'z boshladi SHamsiddinov.  Ilhom Mo'minjonov jamoamizga murabbiy etib tayinlanganidan so'ng mashg'ulot jarayoni ham o'zgardi. Ushbu bellashuv biz uchun juda muhim ekanligini bilar edik. Jamoamiz bilan 10 nafar bo'lib qolishimizga qaramay g'alabaga bo'lgan shijoat bizni tark etkani yo'q edi.

“Norin”  jamoasi ham bu o'yinga juda yaxshi tayyorgarlik ko'rgan. Bugun biz bir yoqadan bosh chiqarib,o'z oldimizga qo'ygan maqsadni bajardik. Bundan judayam xursandman.  Jamoa keyingi mavsumda o'z oldiga qo'ygan maqsadi bor: kuchli beshlikdan joy olish. “Navbahor” hali o'z so'zini aytadi. Bizni qo'llab-quvvatlagan barcha muxlislarga rahmat aytaman.

- Bu mavsum o'z nihoyasiga etdi. Keyingi mavsumda ham “Navbahor” bilan faoliyatingizni davom ettirasizmi yoki...
- Kelajak haqida gapirishga hali vaqt bor. Takliflar ham bor ammo to'g'ri qaror qilib, ushbu takliflarni ham ko'rib chiqish niyatim bor.

Dildora Xolboeva  suhbatlashdi