Alibobo Rahmatullaev: "Klub futbolchilarni aldadi, "Revan" bankrot bo'lgan"

- "Revan" klubiga yaxshi niyatlar bilan borgandim. Biroq klub futbolchilarning maoshlarini bermay aldab yurdi. "Revan" ayni paytda bankrot bo'lgan. Ko'plab futbolchilar ketvorishdi. Ular endi o'z yoshlarini o'ynatishmoqchi. Mendan tashqari jamoaning etakchi futbolchisi ham klub bilan hayrlashdi. Keyinchalik shartnomada ko'rsatilgan mablag'dan juda past maosh beramiz deyishdi. Jamoa bosh murabbiyi meni qolishimni juda xohlagandi. Lekin klub shartnomaga amal qilmaganidan keyin qolishdan naf yo'q edi. Yaxshi Toshkentgacha qaytishimga chiptam bor edi. Qishga qadar jamoada qolsam ham bo'lardi.  Gap faqat pulda emas, biroq klub futbolchini aldaganidan so'ng qolishdan ne foyda? "Revan" jamoasi direktori ko'p yolg'on so'zlarkan. SHu vaqtgacha faqat bir oylik maoshni oldim. Qolganlar o'shani ham olisholmadi. To'g'risi, Ozarboyjon matbuoti yozgan narsani o'qib xayron qoldim. Ular o'zlarini oqlab yozishgan. Nima uchun legionerlar kutilgandek o'ynay olishmadi deb yozib qo'yishgani tushunarsiz holat. Nima ham derdim, Xudo insof bersin. Bazi mahalliy futbolchilarini yoshlar tarkibiga o'tkazib, yaxshi o'ynolmadinglar deb maoshlarini qisqartirib tashlashdi. Ular haqida xabarda yozishmagan.