SHerzod Fayziev: "Endi oldimizga superkubokni qo'lga kiritish vazifasi ham qo'yildi"

Unda Toshkentning "Lokomotiv" klubi Qarshining "Nasaf" jamoasi bilan bellashdi. Uchrashuvda "temiryo'lchilar" yagona gol evaziga "ajdarlardan" ustun keldi. Ushbu bahsdan so'ng "Lokomotiv" klubi futbolchisi SHerzod Fayziev o'yin haqida o'z fikrlari bilan o'rtoqlashdi.

"Nasaf" jamoasiga qarshi o'yinlar hamisha qiyin bo'lib kelgan. Biz o'z oldimizga qo'yilgan maqsadimizga erishdik. O'zbekiston kubogini qo'lga kiritish uchun bor kuchimiz bilan harakat qildik. O'ylashimcha raqib jamoaga qaraganda bizda ko'proq vaziyatlar bo'ldi.

Endi oldimizga superkubogni qo'lga kiritish vazifasi ham qo'yildi. Nasib qilsa ushbu sovrinni ham qo'lga kiritamiz", - deydi "Lokomotiv" futbolchisi SHerzod Fayziev.

Jahongir Sotvoldiev