“Lokomotiv”dan mavsum sarhisobi: “Temiryo'lchilar” oliy ligada har bir jamoani mag'lub etdi

“Temiryo'lchilar” jamoasi 2016 yilda va nihoyat O'zbekiston chempionligini qo'lga kiritdi va o'z muxlislarini chempionat oltin medallari bilan xushnud etdi.

Ana endi mavsum yakunlariga etibor qaratsak ham bo'ladi. SHu o'rinda alohida takidlash joizki, “Loko” joriy yilgi mavsumda 9 ta uchrashuvni yirik hisobdagi g'alaba bilan yakunladi. Eng yirik hisob esa “Navbahor” bilan uchrashuvda qayd etildi. O'sha bellashuvda “Temiryo'lchilar” raqib darvozasiga javobsiz 5 ta to'p kiritishdi. 4 ta o'yinda esa 4:0 hisobida zafar quchildi.

Yana bir qiziqarli malumot shundan iboratki, “Lokomotiv” oliy liga doirasida har bir jamoani hech bo'lmasa bitta uchrashuvda bo'lsa ham mag'lub etdi. 13 ta bellashuvda esa jamoa darvozasi daxlsizligi saqlab qolindi.

SHuningdek, kubok bellashuvlarida ham “Lokomotiv” g'alaba qozondi. Kubokdagi eng yirik hisob esa 1/8 final o'yinlari doirasida “UzDongJu” bilan o'tgan matchda qayd etildi. O'shanda “Loko” futbolchilari “Bo'yoqchilar” darvozasini javobsiz 9 bor ishg'ol etishdi.


OLIY LIGADAGI YIRIK HISOBDAGI G'ALABALAR:
Lokomotiv– Navbahor – 5:0
Lokomotiv – Neftchi – 4:0
Lokomotiv – Olmaliq – 4:0
Mashal– Lokomotiv – 0:4
Lokomotiv – Qo'qon-1912 – 4:0 
Olmaliq  – Lokomotiv – 2:5
Lokomotiv – So'g'diyona – 4:1
Lokomotiv – Metallurg – 4:1 
Lokomotiv – SHo'rtan – 3:0

KUBOK BAHSLARIDAGI YIRIK G'ALABA:
Lokomotiv - UzDongJu 9:0