"El-Klassiko" tarixidagi eng yaxshi to'purarlar (TOP-10)

"Barselona" hamda "Real" jamoalari o'rtasidagi o'yin oldidan ushbu qarama-qarshilikda eng ko'p gol kiritgan futbolchilar haqida eslab o'tishni joiz deb topdik.

10. Yugo Sanches ("Real") - 10 ta gol. Meksikalik futbolchi "qirollik klubi" safida "Barsa" darvozasiga 10 ta gol kirita olgan.

9. Xosep Samiter ("Barselona") - 10 ta gol. Samiter 1919-1932 yillar mobaynida o'tgan faoliyati davomida 10 marotaba "El-Klassiko"larda raqib darvozasini ishg'ol qilgan.

8. Santilyana ("Real") - 12 ta gol. Santilyananing "Klassiko"lardagi gollari soni esa 12 tani tashkil qiladi.

7. Pako Xento ("Real") - 14 ta gol. Xento "Real"dagi faoliyati davomida 128 ta gol kiritgan. SHulardan 14 tasi "Barsa" darvozasiga urilgan.

6. Ferenc Pushkash ("Real") - 14 ta gol. Vengriyalik mashhur futbolchining ham bu boradagi ko'rsatkichi 14 taga teng.

5. Sesar Rodriges ("Barselona") - 14 ta gol. Ispaniyalik charm to'p ustasi "Real" darvozasini 14 marotaba aniq nishonga olgan.




4. Raul ("Real") - 15 ta gol. Afsonaviy Raul 16 yillik faoliyati davomida 15 marotaba kataloniyaliklar darvozasiga yo'l topa olgan.




3. Kristianu Ronaldu ("Real") - 16 ta gol. "Real" tarixidagi eng yaxshi to'purar 16 marotaba "El-Klassiko"larda gol kiritgan.




2. Alfredo di Stefano ("Real") - 18 ta gol. Dunyo futboli tarixidagi eng yaxshi hujumchilardan biri esa 18 marta "Barselona" muxlislarini xafa qilgan.




1. Lionel Messi ("Barselona") - 21 ta gol. Argentinalik futbolchi "El-Klassiko"lar tarixidagi eng yaxshi to'purar hisoblanadi. U 21 marotaba "Real" darvozasini ishg'ol qila olgan.