Zidan: "Barselona"ni yaxshilab o'rganib chiqdik, ularning kuchsiz tomoni yo'q"

Murabbiy fikriga ko'ra o'tgan yil "Real" "Kamp Nou"da 2:1 hisobida g'alaba qozongan o'yindan farq qiladi.
 
"Menmicha o'yinda favorit yo'q, imkoniyatlar 50-50. Biz "Barselona"ni yaxshilab o'rganib chiqdik, ularning kuchsiz tomoni yo'q", - deydi murabbiy.
 
"Biz kuchli raqibga qarshi og'ir o'yin kutayapmiz, ammo biz tayyormiz. Yaxshi o'yin ko'rsatish haqida o'ylayapmiz xolos. G'alaba yoki mag'lubiyat haqida o'ylamayapmiz. Yaxshi o'ynasak, natija o'zi keladi. Agar "Atletiko" bilan o'yindagi kabi tezlikda o'ynasak yaxshi natijaga erishamiz. "Barselona" bizga qarshi "Real Sosedad" bilan o'yindagi kabi o'ynamaydi. Ular amaldagi chempionlar, chempion esa doim muhim o'yinlarda yaxshi o'ynaydi", - deydi Zidan.
 
"Barselona" musobaqa jadvalida bizdan pastda, ularga ochko bizdan ko'ra ko'proq kerak degan gapga qo'shilmayman. Messi dunyoning eng kuchli o'yinchilaridan biri. Uni diqqat bilan kuzatamiz. Ammo raqib safida xavfli o'yinchilar juda ko'p", - deydi francliyalik mutaxassis.
 
"Bu o'yin o'tgan yilgi klasikodan farq qiladi. O'shanda "Kamp Nou"ga boshqacha vaziyatda kelgandik. Hozir barchasi o'zgarib ketgan", - deydi Zidan.