"Paxtakor": Gruziyada Zurab Cereteli yulduzi ochildi

Sentyabr oyida Tbilisida joylashgan Mixail Mesxi nomli stadionda bir qator mashhur futbolchilarning shon-shuhrat xiyoboni ochildi. Unda turli davrlarda o'ynagan mashhur futbolchilar xiyobonlari ishga tushirilgan. Ular qatorida jamoamizning sobiq o'yinchisi Zurab Cereteli xiyoboni ham ochilgan.

Cereteli 1979 yil aviahalokatdan keyin "Paxtakor"ga yordam berish maqsadida tarkibga jalb etilgan. U jamoaga halokatda hayotdan ko'z yumgan do'stlari xotirasi uchun kelganini ko'p takrorlab o'tgan. Zurab Cereteli 45 uchrashuvda jamoamiz uchun 6 to'p kiritgan. 1981 yil uning "Paxtakor"dagi faoliyati yakunlangan va muxlislar so'nggi o'yinda uni olqishlar bilan kuzatib qo'yishgan.

O'tgan yili Gruziya sport delegaciyasining mamlakatimizga tashrifi doirasida Ceretelining qizi Anna yurtimizda bo'lib, otasining Mixail An va Vladimir Fyodorov bilan do'st bo'lganini aytib o'tgandi.

1992 yil 8 yanvarda Cereteli Gruziyada avtohalokatda vafot etgan. 38 yoshda vafot etgan bo'lishiga qaramay, Zurab Gruziya va O'zbekistonda ishqibozlar mehrini qozonishga ulgurgandi.