"Lokomotiv" ertaga "Metallurg"ga qarshi o'rtoqlik uchrashuvi o'tkazadi
/ Kiritdi: BestMaster O'qilgan: 1329
Oliy ligada yuzaga kelgan tanaffusdan foydalanib "Lokomotiv" ertaga "Metallurg"ga qarshi o'rtoqlik uchrashuvida maydonga tushadi. Bu o'yin TTYMI stadionida bo'lib o'tadi va soat 15:30da boshlanadi.
Ushbu bellashuvda "Lokomotiv"ning milliy terma jamoaga chaqirilgan olti futbolchisi ishtirok etmaydi. Bular - Ignatiy Nesterov, SHavkat Mullajonov, Islom To'xtaxo'jaev, Sanjar SHoahmedov, katta Jasur Hasanov va Marat Bikmaev. Bundan tashqari, bugun yana ikki futbolchimiz - Ikrom Aliboev bilan Bobur Yo'ldoshev olimpiya terma jamoamiz safiga yo'l oladi. Negaki, O'zbekiston olimpiya terma jamoasi Toshkentda besh kunlik yig'in tashkil qiladi.
Oliy ligada chempionlik uchun kurash olib borayotgan "Lokomotiv" chempionatdagi navbatdagi uchrashuvini 16 oktyabr kuni safarda "Qo'qon-1912"ga qarshi o'tkazadi. Mazkur bahsni Aziz Asimov boshchiligidagi hakamlar brigadasi boshqarib boradi.
Bosh sahifaga
232
