“Metallurg-2016”: Jamoa sardori barchaga o'rnak bo'ldi
/ Kiritdi: BestMaster O'qilgan: 872
2016 yilgi mavsumni bir tekis o'tkazgan Bekobodning “Metallurg” jamoasida bir qator etiborga molik natijalar qayd etildi.
Ulardan birinchisi jamoa sardori Hikmat Hoshimov chempionatning 2-turidayoq safarda “Mashal”ga qarshi uchrashuvda oliy ligadagi 400-uchrashuvini o'tkazishi bo'ldi. Bu bilan u 400-lik davondan oshib o'tgan 11-o'yinchiga aylandi. H.Hoshimovga qadar oliy liga bahslarida A.Aliqulov, A.Berdiev, R.Berdiev, V.Keldiev, N.Hasanov, M.Qurbonov, A.Soliev, B.Qoraev, X.Karimov hamda A.Toirovlar to'rt yuzdan ko'proq o'yinlarda maydonga tushgandi. Hoshimov esa mavsum oxirigacha barcha uchrashuvlarda jamoadoshlarini maydonga boshlab tushib, hali futbolchilik faoliyatini bemalol davom ettira olishini isbotladi. U bu yil ham o'tgan mavsumdagi singari 30 ta o'yinda to'liq ishtirok etgan yagona futbolchi sifatida jamoadoshlariga o'rnak bo'ldi.
“Metallurg” murabbiylari xuddi 2015 yilgi mavsumdagi singari bu yil ham asosiy tarkibda 20 ta futbolchi xizmatidan foydalandi. Jamoa sardoridan tashqari qanot yarim himoyachisi Murodjon Toshmatov ham 30 ta o'yinda ishtirok etdi. Faqatgina u maydondagi daqiqalar bo'yicha sardordan ortda qoldi. Jamoa pleymeykeri Dilmurod karimov esa ogohlantirishlar bois bitta uchrashuvni o'tkazib yuborgan bo'lsa, yana ikki tajribali o'yinchi – Davron Karimqulov hamda Zohid Abdullaevlarni murabbiylar 28 tadan uchrashuvda maydonga tushirishdi. “Metallurg” futbolchilarining 2016 yilgi mavsumdagi ulushlari bilan quyidagi taqvimda tanishishingiz mumkin:
| # | Ismi sharifi | O'yinlari soni | Daqiqasi |
| 1. | Hikmat Hoshimov | 30 | 2700 |
| 2. | Murodjon Toshmatov | 30 | 2641 |
| 3. | Dilmurod Karimov | 29 | 2370 |
| 4. | Zohid Abdullaev | 28 | 2431 |
| 5. | Davronbek Karimqulov | 28 | 2302 |
| 6. | Ayubxon No'monov | 27 | 2130 |
| 7. | Jahongir Abdumo'minov | 27 | 2000 |
| 8. | Suhrobjon Sultonov | 26 | 2340 |
| 9. | Doniyor Odilov | 26 | 1963 |
| 10 | Javohir Esonqulov | 25 | 1850 |
| 11. | Mirg'iyos Sulaymonov | 23 | 2013 |
| 12. | Farhod Namozov | 23 | 466 |
| 13. | Saidjon Abdujabborov | 20 | 1040 |
| 14. | Islomjon Qobilov | 17 | 1253 |
| 15. | Farrux SHotursunov | 11 | 466 |
| 16. | Ergash Ismoilov | 10 | 234 |
| 17. | SHerzod Jalilov | 8 | 676 |
| 18. | Zafar Safoev | 4 | 360 |
| 19. | Sardor Rasulov | 4 | 95 |
| 20. | Muhammadodil Qahramonov | 2 | 45 |
Bosh sahifaga
90