EPL Manager: 14-tur sharhi

2016-12-07 12:20:01 / Kiritdi: BestMaster O'qilgan: 737

Angliya Premer-ligasida 14-tur uchrashuvlari yakunlandi va EPL Manager fentezi-futbol turnirida ham o'zgarishlar yuz berdi.

APLning 14-turi "Manchester Siti" - "CHelsi" uchrashuvi bilan boshlandi (1:3). Ikki jamoa chempionlik uchun asosiy davogarlardan hisoblanadi va "Ettixad"dagi bahs o'zgacha ahamiyatga ega edi. Birinchi bo'lim oxirida "shaharliklar" Keyxillning avtogoli bilan hisobni ochishdi, ammo uchrashuvning ikkinchi qismida "aristokratlar" iroda ko'rsatishdi. Kosta, Villian va Azar o'z hisobiga bittadan gol yozdirib, jamoasining g'alabasini taminlashdi. Uchrashuv jamoa futbolchilari o'rtasidagi mushtlashuv bilan yakunlandi va Aguero (4 ta o'yinga) hamda Fernandino (3 ta o'yinga) diskvalifikaciya qilindi.

"Kristal Pelas" kutilmaganda o'z maydonida "Sautgempton" darvozasiga javobsiz 3 ta gol urdi. Gollarga Tomkins va Benteke (dubl) mualliflik qildi. "Sanderlend" hamda "Lester Siti" uchrashuvida Devid Moyes jamoasi Raneri shogirdlarini 2:1 hisobida taslim etishdi.

"Stok Siti" va "Byornli" (2:0) turnir jadvalida qo'shni edi, ammo Mark Xyuz shogirdlari Uolters va Munesa gollari evaziga 9-o'ringa chiqib oldi.

"Vest Bromvich" o'z maydonida "Uotford"ni qabul qildi (3:1). Evans, Brant va Fillipslarning gollariga "Uotford"dan Kabasele bitta gol bilan javob berdi.

"Tottenxem" "Suonsi"ga qarshi bahsda 5 ta gol urdi. Keyn va Eriksen dubl qayd etdi, Son Xyon Min ham o'z hisobiga gol yozdirib qo'ydi. Bu g'alaba tufayli "shporlar" turnir jadvalida 5-o'ringa chiqib oldi.

"Arsenal" London derbisida "Vest Xem"ni yirik hisobda mag'lub etdi. Aleksis Sanches ushbu bahsda EPL Manager foydalanuvchilari uchun 20 ochko (supersardor 60 ochko) ishlab berdi. Ozil, Oksleyd-CHemberlen va Kerrollar ham bittadan gollarga mualliflik qilishdi.

"Bornmut" - "Liverpul" uchrashuvida turning kutilmagan natijasi qayd etildi. Yurgen Klopp shogirdlari 3:1 hisobida oldinda borayotib, bahsning so'nggi 15 daqiqasida 3 ta gol o'tkazib yuborishdi. Mezbonlar safida Uilson, Freyzer, Kuk va Ake, mehmonlardan esa Mane, Origi va Jan gol urishdi.

"Everton" - "Manchester Yunayted" bahsida tomonlar murosa ko'chasini tanlashdi. Ibragimovich va Beyns urgan gollar bahs 1:1 hisobida yakunlanishini taminladi.

14-tur o'yinlari "Midlsbro" hamda "Xall Siti" o'rtasidagi uchrashuv (1:0) bilan yakunlandi. Bahsdagi yagona golga Ramires mualliflik qildi.

EPLMANAGER

Bu turda birdaniga ikki jamoa turda eng yaxshi bo'ldi: "Bluesbrother" (Indoneziya) va "Afrosiyob777" (O'zbekiston). Ikkala foydalanuvchi 124 ochkodan to'plashdi, ularning ko'p ochko to'plashiga Aleksis Sanchesning supersardor sifatida tanlanishi sabab bo'ldi.