Vitaliy Ni: "Fozil Musaev Yaponiyada o'ynashi mumkinligini inkor etmayman"

Eronning "Sepaxon" klubida o'ynashga ulgurgan Musaevga Yaponiyaning "Jubilo Ivata" klubidan qiziqish bor. Bu xabarni "Nasaf" klubi sport direktori Vitaliy Ni tasdiqladi.

- Fozil Musaev ikkinchi davrada jamoamizga kelib katta yordam ko'rsatdi. Inkor etmayman, Fozil keyingi faoliyatini Yaponiyada davom ettirishi mumkin. Hammasi muzokaralarning qanday kechishiga bog'liq. Futbolchining "Nasaf" bilan tuzgan shartnomasi tugagan. Biz har doim o'yinchilarga professional munosabatda bo'lamiz. SHu bois hech kimni jamoamizni majburlab ushlab tura olmaymiz. Hammasi Fozilning o'ziga bog'liq", - deydi Vitaliy Ni "Futbol Ekspress" gazetasiga.