Divok Origi "Manchester Yunayted" va "Bavariya" klublariga rad javobini bergan

- Belgiya o'smirlar terma jamoasida o'ynab yurgan kezlarimda ko'plab skautlar meni otam bilan bog'lanishgan. O'shanda "Manchester Yunayted" jamoasi meni o'z safiga qo'shib olishni istagandi. Ular orasida ko'plab Italiya va Germaniya klublari ham bo'lgandi.

Men "Lill" klubi qarorgohini ko'zdan kechirganimda u erdagi sharoitlar meni lol qoldirgandi. SHuningdek, bu jamoada Eden Azar kabi futbolchi top darajaga chiqqanidan xabarim bor edi. "Lill" jamoasi yosh futbolchilarni yangi darajaga chiqarishda eng yaxshilardan biri bo'lib kelgan. SHu bois men "Lill" jamoasini tanlagandim. O'shanda otam menga tanlovni o'zing amalga oshir, deb maslahat bergandi. Yuragim esa "Lill" tanlovida qolgandi.
2014 yilda esa oldimda ko'plab takliflar turgandi. Ular qatorida "Bavariya" klubi ham bor edi. Ammo men "Liverpul"ga o'tishga qaror qildim.
Bu erga kelganimda barcha meni kimligimni bilardi. Jamoada esa ko'proq pas, pressing va tezlikka ko'proq urg'u berishi menga yoqdi.