Eron - O'zbekiston uchrashuvi sanasi o'zgardi
/ Kiritdi: BestMaster O'qilgan: 1605
Jahon chempionati saralashining uchinchi bosqichida ishtirok etayotgan O'zbekiston milliy terma jamoasining taqvimida o'zgarish yuz berdi.
Eron hamda O'zbekiston Futbol Federaciyalarining o'zaro kelishuvi asosida saralashning uchinchi bosqichi 8-turi doirasidagi Eron – O'zbekiston uchrashuvi 2017 yilning 12 iyun sanasiga ko'chirildi.
Eslatib o'tish lozimki, taqvimning dastlab tasdiqlangan ko'rinishiga asosan ushbu o'yin 2017 yilning 13 iyunida o'tkazilishi lozim edi.
Hozirga qadar saralashning uchinchi bosqichi doirasida jamoalar beshtadan o'yin o'tkazishgan bo'lib, Eron “A” guruhida peshqadamlik qilmoqda. Karlush Keyrush boshchiligidagi jamoa hisobida 5 o'yindan so'ng 11 ochko mavjud. Ikkinchi o'rinni egallab turgan Janubiy Koreya hisobida 10, uchinchi o'rindagi O'zbekistn milliy terma jamoasi hisobida esa 9 ochko bor.
O'zbekiston milliy terma jamoasining saralash bosqichidagi keyingi uchrashuvi 23 mart kuni safarda Suriyaga qarshi bo'ladi. Unga qadar esa O'zbekiston Armaniston hamda Gruziya terma jamoalari bilan o'rtoqlik uchrashuvlari o'tkazish borasida kelishuvga erishgan.
Gruziya terma jamoasiga qarshi nazorat o'yini 23 yanvar kuni bo'lib o'tsa, Armanistonga qarshi 12 fevral kuni o'tkaziladi.
Bosh sahifaga
591