Rufat Akramxo'jaev: “Zomin” bilan o'yinda omad bizdan yuz o'girdi”

O'z maydonida osonlikcha taslim bo'lmaydigan “bankirlar”ning ushbu muvaffaqiyatsiz o'yinidan so'ng jamoa bosh murabbiyi Rufat Akramxo'jaev quyidagilarni takidladi.

- Uchrashuv jangavor va keskin kurashlar ostida o'tdi. Bungacha har ikki jamoa ham turnir jadvalida yonma-yon o'rin egallab turgandi. Pricipial raqibimiz bo'lmish “Zomin”ni har qanday vaziyatda ham yutishimiz zarur edi. SHu bois o'yinga puxta tayyorgarlik ko'rib, jiddiy qaragandik. Ammo bizning kunimiz emas ekan, yakunda omad yuz o'girdi.

- Gol urish uchun bir qancha vaziyatlarni yuzaga keltirgan bo'lsakda, ularni muvaffaqiyatli yakunlay olmadik. Bunga mehmonlarning posboni yo'l qo'ymadi degan fikrdan yiroqman. SHunchaki biz o'zimiz aniq xarakat qilmadik. Omad kelmasa barisi bekor deb bejizga aytishmas ekan.

- O'yin juda murosasiz ruhda va keskin to'qnashuvlarga boy tarzda kechdi. Zominlik futbolchilar haddan ziyod qo'pol o'yin ko'rsatishdi. Bahs poyoniga etib borayotganida etakchi o'yinchimiz Leonid Koshelevga nisbatan raqib futbolchisi havodagi to'p uchun kurashda, jiddiy jaroxat etkazdi. Qolaversa o'sha futbolchining o'zi ham jabr chekdi. Bu kabi ochiqdan-ochiq qo'pollik ishlatadigan futbolchilarni kerak bo'lsa, umrbod futboldan diskvalifikaciya qilish joiz deb o'ylayman.

- Bu –futbol. Endi keyingi o'yinga etibor qaratgan xolda, xatolar ustida ishlaymiz va qimmatli ochkolarni qaytarish uchun bor kuchni beramiz –deydi Rufat Akramxo'jaev.

Islombek Rustambekov.