Dostonbek Hamdamov "O'zbekiston belgisi" ko'krak nishoni bilan taqdirlandi

Birinchi Prezidentimizning 2003 yil 4 avgustdagi farmoniga asosan “O'zbekiston belgisi” ko'krak nishoni bilan xalqimizning iftixoriga aylangan, yuksak vatanparvarlik, fidoyilik tuyg'usi, mehnatsevarlik fazilatlarini o'zida mujassamlashtirgan, Vatanimiz obro'si, shon-shuhratini yuksaltirishga, uning xalqaro nufuzini yanada oshirishga xizmat qilayotgan, mamlakatimizning ijtimoiy-siyosiy hayotida faol ishtirok etib, tengdoshlariga namuna bo'layotgan yoshlar taqdirlab kelinmoqda.

Marosimda ilm-fan, madaniyat, sanat, talim, sog'liqni saqlash, jurnalistika, sport, qishloq xo'jaligi, kichik biznes, huquq va harbiy sohalarda o'qiyotgan, ishlayotgan hamda ilmiy-ijodiy faoliyat bilan shug'ullanib, yuksak natijalarga erishayotgan 50 nafar yigit-qizga “O'zbekiston belgisi” ko'krak nishoni tantanali topshirildi.

Taqdirlanganlar orasida O'zbekiston terma jamoasi va "Bunyodkor" klubi futbolchisi Dostonbek Hamdamov ham bor.

"O'zbekiston Belgisi" ko'krak nishoni bilan taqdirlanganimdan juda ham xursandman. To'g'risi kutmagan edim. Men uchun kutilmagan yoqimli sovg'a bo'ldi desam ham bo'laveradi. Ushbu mukofotimni barcha yurtdoshlarimga bag'ishlayman", - deydi Dostonbek Hamdamov.