Ispaniya chempionati. “Sevilya” 10 daqiqada masalani hal qildi
/ Kiritdi: BestMaster O'qilgan: 1307
Ispaniya chempionati 16-turida “Sevilya” futbochlilari o'z maydonlarida “Malaga”ni yirik (4:1) hisobida taslim etishdi.
Maydon egalari o'n daqiqa ichida raqib darvozasiga to'rtta gol urishga erishishdi. Dastlabki ikki to'p uch daqiqa ichida “Sevilya” hujumchisi Lusiano Vetto tomonidan kiritilgan bo'lsa, oradan olti daqiqa o'tib Vissam Ben-Yeder, yana bir daqiqadan so'ng Vitolo raqib posbonini ranjitdi.
Ushbu mavsumda “Sevilya” o'z maydonida faqat bir marta ochko yo'qotdi. 11-turda Xorxe Sampaoli shogirdlari “Barselona”ga mag'lub (1:2) bo'lishgan.
Ispaniya chempionati, 16-tur.
Sevilya – Malaga 4:1 (4:0, 0:1)
Gollar: 1:0 – 25 Vetto, 2:0 – 28 Vetto, 3:0 – 34 Ben-Yedder, 4:0 – 35 Vitolo, 4:1 – 64 Sandro Ramires.
Sevilya: Riko, Merkado (Kolodzeychak, 46), Parexa (Kranevitter, 46), Rami, Iborra, Vitolo, Nasri, Sarabiya, Nzonzi, Vetto, Ben-Yedder (Diego Gonsales, 67).
Malaga : Boyko, Torres, Vilyanueva, Rikka (Resio, 46), Lorente, Anor (Ontiveros, 46), Xuan Karlos (CHori Kastro, 64), Fornals, Kamacho, Rosales, Sandro Ramires.
Ogohlantirish: Parexa (29), Nzonzi (58), Rami (61), Ontiveros (71), Rosales (82), Vilyanueva (90).
CHetlatish: Rami (61).
Bosh sahifaga
383