Serxio Ramos omadli ekanining yana bir isboti

"Qirollik klubi" himoyachisi Serxio Ramos 55-daqiqda qo'pollik ishlatgani uchun sariq kartochka bilan jazolangan edi. Uchrashuvning 90-daqiqasida hisob 2:2 edi. Ramos raqib futbolchisi so'nggi daqiqalarda qarshi hujum tashkil etmasligi uchun yaponiyalik o'yinchini yiqitadi.

Zimbavelik hakam Janni Sikazve Ramosga ikkinchi sariq kartochkani ko'rsatish kerak edi. Referi cho'ntagiga qo'l tiqdi va ...

Janni Sikazve futbolchilarning etirozidan keyin kartochka ko'rsatishni esdan chiqardi yoki buni xohlamadi va o'yinchilarni tinchlashtirishga kirishib ketdi.

Ramos esa sariq kartochka olmasligini tushunib, o'z joyiga qaytdi va mojaroga aralashmadi. Yaponiyaliklar esa ming etiroz qilmasin, hakam Ramosni chetlatmadi.

"Real" qo'shimcha bo'limlarda 2 ta gol urib, chempionga aylandi