LIVE. Mersisayd derbisi. Birinchi bo'limda hisob ochilmadi

Mersisayd derbisida “Everton” va “Liverpul” o'zaro munosabatlariga oydinlik kiritishyapti.

Angliya chempionat. 17-tur

Everton – Liverpul 0:0 (birinchi bo'lim)

20 dekabr, 01.00. “Gudison Park” stadioni

“Everton”: Stekelenburg, Uilyams, Beyns, Funes Mori, Koulmen, Barkli, Guye, Makkarti, Lennon, Lukaku, Valensiya.

“Liverpul: Minole, Klayn, Lovren, Klavan, Milner, Xenderson, Lallana, Mane, Veynaldum, Firmino, Origi.

Bosh hakam: Maykl Din

- Aynan mana shu uchrashuv 17-turga yakun yasab beradi. Jamoalar turnir jadvalida qaysi o'rinlarni egallab turishlaridan qatiy nazar, uchrashuv keskin va murosasiz kechadi. Bugungi o'yin ham bundan mustasno bo'lmayapti. 

- Uchrashuvning 20 daqiqasi ortda qoldi. Bir jamoaning yaqqol ustunligi sezilmayapti. 

- Jamoalar shu paytgacha 226 marotaba to'qnash kelishgan. 89ta o'yinda "Liverpul" g'alaba qozongan. 66ta bahsda "Everton" ko'chasida bayram bo'lgan. 71ta uchrashuvda kuchlar teng kelgan.  

- So'nggi bor bu ikki klub shu yilning 20 aprel kuni to'qnash kelishgan. "Enfild Roud"da o'tgan uchrashuvda "Liverpul" 4:0 hisobida zafar quchgan edi. 

- Bugun durang natija bo'lmaydigan ko'rinadi. Angliyada ochiq futbol o'ynashadi va sizu biz bugun gol ko'rsak kerak

- 27-daqiqa. Veynaldumning zarbasi noaniq chiqdi. Bu mehmonlar tomonidan darvozaga berilgan ilk zarba edi. "Everton"da darvoza tomon tepilgan zarbalar soni 2ta, hozircha....

34-daqiqa. "Liverpul" zaxirasidan o'rin olgan Starridj chigalyozdi mashqlarini boshlab yubordi

36-daqiqa. Koulmen o'ng qanotdan jarima maydonchasiga uzatgan to'pi Xendersonning qo'liga tegdi. Lekin bu penalti emasdi. Boisi, to'p qo'lni topdi. Angliya chempionatida bunday vaziyatlarga hakamlar qayrilib ham qaramaydi. Nazarimizda, Din to'g'ri qaror qabul qildi. 

43-daqiqa. O'yindagi dastlabki burchak to'pi amalga oshirildi. "Everton" futbolchilari standart vaziyatdan foydalana olishmadi.

45-daqiqa. Asosiy vaqtga bir daqiqa qo'shib berildi.