Zohir Pirimov: “Olmaliq” klubini tark etdim, desam ham bo'ladi”
/ Kiritdi: BestMaster O'qilgan: 936
“Olmaliq” klubi kelasi yilgi chempionat bahslari uchun qishki yig'in mashg'ulotlarini boshlab yubordi.
Igor SHkvirin jamoani tark etganidan so'ng, uning o'rniga Viktor Kumikov taklif etildi. “Konchilar” yangi mavsumga tayyorgarlikni ushbu murabbiy qo'l ostida o'tkazmoqda. Lekin jamoa sardori Zohir Pirimov klub mashg'ulotlarida qatnashmayapti. Bunga, futbolchining “agar Igor SHkvirin jamoadan ketsa, men ham klubdan ketaman” degan gaplari sabab bo'lishi mumkin.
“Ayni damda jamoa bilan mashg'ulotlarda qatnashmayapman. “Olmaliq” klubi bilan tuzgan shartnomam shu yilning 30 dekabr kuni o'z nihoyasiga etadi. Ayrim jamoalardan menga nisbatan qiziqishlar bo'lmoqda. Lekin hozircha hech kim jiddiy taklif bilan chiqmadi. “Olmaliq” klubini tark etdim, desam ham bo'ladi. To'qqiz yil bir jamoada to'p tepib, keyin ushbu klubni tark etish juda ham og'ir. Yuragimning bir parchasi “Olmaliq”da qolgan. Qaysi jamoaga borib qo'shilishim yangi yildan so'ng malum bo'ladi. Hozircha uyimda dam olyapman”, - deydi “Olmaliq” jamoasi futbolchisi Zohir Pirimov
Jahongir Sotvoldiev
Bosh sahifaga
78
