Temurxo'ja Abduxoliqov: "Eng yaxshi bo'lishimda jamoadoshlarimning xissasi katta"

Kecha "Lokomotiv" klubiga oltin medallar topshirish tadbirida Abduxoliqovga "Do'ppi"ning maxsus diplomi taqdim etildi. Sovrinni qabul qilib olgan futbolchi o'z fikrlari bilan o'rtoqlashdi.

"Avvalo "Do'ppi" sovrinini tasis etganinglar uchun sizlarga rahmat aytaman. Meni qo'llab-quvvatlab, ovoz berganlarning barchasiga katta rahmat deyman. Bu men uchun katta yutuq hisoblanadi, yangi mavsum uchun qo'shimcha masuliyat yuklaydi. Yanada oldinga intilishga stimul bo'ladi.

Bundan keyin bundan ham kattaroq Osiyo va Jahon miqiyosida sovrinlar yutishga harakat qilaman. SHuni alohida takidlashshi istardim, bu faqat mening sovrinim emas, jamoadoshlarimning ham sovrini. Eng yaxshi bo'lishimda ularning xissasi juda katta.

- Agarda sizda ham ovoz berish imkoniyati bo'lganida oliy ligada o'ynagan futbolchilardan kimlarga ovoz bergan bo'lardingiz?
- Sardor Mirzaev, Temur Kapadze, Kaxi Maxaradze. Sababi uchala futbolchi ham chempion jamoa azolari hisoblanadi. Murabbiylarga kelsak Mirko Yelichich, Ro'ziqul Berdiev va Jamshid Saidovga ovoz bergan bo'lardim.