Xitoy Super ligasi klublari nega kuchli darvozabon sotib olishmaydi?

Xitoy klublari qishki transfer oynasida yana faol. Ammo ushbu mamlakatning hech qaysi jamoasi darvozabon xarid qilish haqida o'ylamayapti.

Bu taqiqlanganmi?

Yakunlangan mavsumda ishtirok etgan jamoalarda birorta legioner darvozabon yo'q. CHunki bu taqiqlangan. Bunga sabab, chet ellik darvozabon mahalliy posbonlarning rivojlanishiga imkon bermaydi va bu Xitoy terma jamoasiga salbiy tasir ko'rsatishi mumkin.

Bu qachon boshlangan?

Xitoy chempionatida doimo legionerlar soniga taqiq bo'lgan. 1994 yildan 2000 yilgacha bir jamoa ko'pi bilan 3 nafar chet ellik futbolchi xarid qilishi mumkin bo'lgan.

2001 yilda bu cheklov 4 futbolchiga etdi, ammo maydonga faqat 3 nafar legioner tushishi mumkin. Darvozabonlarga taqiq ham aynan shu yilda chiqarilgan.

Bu ish beryaptimi?

Ha. Xitoylik darvozabonlar ushbu taqiqdan so'ng katta o'sishga erishdi. Masalan, "Guanchjou Evergrand" va Xitoy terma jamoasi posboni Jen CHen 2016 yilning eng yaxshi darvozaboni deb topildi va 2015 yilgi Osiyo CHempionlar ligasida "Guanchjoe Evergrand" darvozasini ishonchli qo'riqlab, turnir g'olibiga aylandi.

Boshqa mamlakatlarda shunga o'xshash taqiqlar bormi?

Evropa chempionatlarida bunga jiddiy qarashmaydi. Ammo Rossiya Premer-ligasi Xitoy chempionatiga o'xshash. Rossiya chempionatida bir jamoadan faqat olti nafar legioner maydonga tushishi mumkin. Bu uchrashuvda kamida 10 nafar rossiyalik o'ynashiga imkon beradi. O'zbekiston chempionatida ham xuddi shunday cheklov bor. 2016 yilgi mavsum boshida chempionatda legioner darvozabonlar o'ynashi taqiqlandi. CHet ellik futbolchilarga ham cheklov mavjud. 3+1 ko'rinishidagi cheklov - 3 nafar dunyoning istagan mamlakatidan va bir nafar Osiyodan legioner o'ynatishni bildiradi.