"Bunyodkor": Bolalar futboli. 2-bosqich. 9-tur

Xabaringiz bor, ushbu musobaqada jamoamiz nomidan Bunyodkor-A va Bunyodkor-B ishtirok etadi va musobaqada g'oliblik uchun asosiy davogarlardan hisoblanishadi.

Bunyodkor-A bu gal o'z uyida Lokomotivning turli yosh toifasidagi jamoalarini qabul qildi. Bunyodkor-B esa ROZK mehmoni bo'ldi. Eslatib o'tamiz, Bunyodkorning 2003 yilda tug'ilgan futbolchilari Qozog'istonning CHimkent shahrida Muxtor O'razaliev xotirasiga bag'ishlab o'tkazilayotgan xalqaro turnirda qatnashayotganliklari bois shu yoshdagi bolalardan tuzilgan jamoalarimizning o'yinlari boshqa kunga qoldirildi.

Bunyodkor-A Lokomotiv 2:1 2005 y
Bunyodkor-A Lokomotiv 2:3 2004 y
Bunyodkor-A Lokomotiv 1:0 2002 y
Bunyodkor-A Lokomotiv 2:0 2001 y
Bunyodkor-A Lokomotiv 6:0 2000 y
Bunyodkor-A Lokomotiv 3:0 1999-98 yy.

Mazkur qarama-qarshiliklarda 6 uchrashuv bo'lib o'tdi. SHulardan 5 tasida bunyodkorchilar zafar quchishdi. Mehmonlardan faqatgina bir jamoa uyga g'alaba bilan qaytishga erishdi. O'zaro uchrashuvlarda qaldirg'ochlar 15, temiryo'lchilar 3 ochko ishlashdi. Bunyodkor-A raqiblari darvozalariga 16 bor yo'l topa olgan bo'lsa, Loko futbolchilari 4 marta darvozani ishg'ol qilishdi. Eng yirik hisob 2000 yilda tavallud topganlar bahsida qayd etildi - 6:0. Eng kam gol 2002 yilda tug'ilganlar bellashuvida kuzatildi -1:0. To'plar farqi 16-4 Bunyodkor-A foydasiga.

ROZK Bunyodkor-B 4:1 2005 y
ROZK Bunyodkor-B 1:0 2004 y
ROZK Bunyodkor-B 5:1 2002 y
ROZK Bunyodkor-B 1:1 2001 y
ROZK Bunyodkor-B 3:0 2000 y
ROZK Bunyodkor-B 0:1 1999-98 yy

Bunyodkor-B jamoalaridan bu turda omad yuz o'girdi. O'tkazilgan o'yinlarda 1 durang va 1 ta g'alabani qo'lga kirita olishdi, xolos. Qolgan bahslarda ROZK futbolchilari ustun kelishdi.

Keyingi tur 18 oktyabr kuni bo'lib o'tadi. Unda har ikki jamoamiz safarda o'ynaydi. Bunyodkor-A Paxtakor mehmoni bo'lsa, Bunyodkor-B BO'SM-16ga qarshi to'p tepadi.