Andrey Miklyaev: “Afrikalik futbolchi biz uchun bosh og'riq bo'ldi”

Ushbu bahsda “temiryo'lchilar” 3:1 hisobida zafar quchishdi. O'yindan so'ng “Lokomotiv” klubi bosh murabbiyi Andrey Miklyaev tayyorgarlik to'g'risida o'z fikrlarini bildirdi.

“Barcha jamoalarga o'xshab shogirdlarim ham mashg'ulotlarda tinmay ter to'kmoqda. Ayni damda barcha futbolchilar to'liq tarkib bilan mashg'ulotda qatnashmoqda. Lekin jamoada SHerzod Fayziev va Server Jeparov biroz betobligi sababli mashg'ulotlarda qatnashmayapti. Hozir bir ikki afrikalik legioner futbolchi ko'rikdan o'tmoqda. 21 dekabr sanasidan yig'inni boshlagan bo'lsak bugun birinchi o'rtoqlik uchrashuvimizni “Olmaliq” jamoasiga qarshi o'tkazdik.

Ikki afrikalik futbolchi to'g'risida aytadigan bo'lsam, ko'rinib turibdiki ikkisi ham futbol o'ynashni biladi. Biz ularni o'yinini yana kuzatamiz. Suniy qoplamali maydonda o'yin o'tkazdik. Tabiiy maydon bilan suniy maydon holati tubdan farq qiladi. Gnoxere Krizo hujumchi, bugun raqiblar darvozasini ikki bor ishg'ol qildi. Bu yaxshi, boshqalarda yaxshi taassurot qoldirdi. Boshqa tomondan biz uchun bosh og'riq bo'ldi. Agarda gol urmaganida oson bo'lardi. Mana gol urdi endi u haqida o'ylab ko'ramiz”, - deydi Andrey Miklyaev.

Jahongir Sotvoldiev