Gvardiola: “Liverpul” - shubhasiz, APLning eng kuchli jamoalaridan biri”

Kichik jarohatiga qaramay himoyachi Jon Stouns maydonga tushishga shay. Jamoaning birinchi raqamli hujumchisi Serxio Aguero esa to'rtta o'yindan iborat diskvalifikaciyani o'tab bo'ldi. U ertangi bahsda maydonga tushishi mumkin.

-Jon o'zini yaxshi his qilmoqda, - dedi Gvardiola o'yin oldidan o'tkazilgan matbuot anjumanida. –Ammo Leroy va Vensanda afsuski, jarohat bor. Aguero maydonga chiqishga shay: u Argentinadan yaxshi “forma”da qaytdi. Serxio to'rtta uchrashuvda maydonga tusha olmadi. Ertangi o'yinda u maydonga chiqishga shay. Biz bundan xursandmiz.

“Liverpul” hech shubhasiz APLning eng kuchli jamoalaridan biri. Jamoa “Stok Siti”ga qarshi oxirgi bahsni ham ajoyib tarzda o'tkazdi. Men vaqtida Kloppga qarshi bir nechta o'yinlarni o'tkazganman, shu sabab biz bir birimizni juda yaxshi bilamiz. Ushbu mavsumda “Liverpul”ning bir qator o'yinlarini kuzatdim. APLda oltita jamoa bosh sovrin va CHempionlar ligasi yo'llanmasi uchun kurash olib boradi. Barcha olti jamoa g'oliblik uchun asosiy davogar. SHu sabab ular o'rtasidagi bahslar mavsum oxiriga qadar jiddiy davom etadi”, deya ispaniyalik mutaxassis so'zlaridan iqtibos keltirmoqda “Manchester Siti” rasmiy sayti.