Marg'ilonda yangi futbol klubi tashkil qilindi

Malumki, Farg'ona, Qo'qon, Quvasoy, Yozyovon singari shahar-tumanlarining futbol jamoalari mavjud bo'lib endilikni Marg'ilon shahri sharafini ham himoya qiluvchi yangi jamoa “Farovon” futbol klubi ham tashkil qilindi. Marg'ilonlik bir qator qator millionlar o'yini jonkuyarlari sayi-harakati bilan tashkil etilgan klub yangi mavsumdan boshlab o'z faoliyatini rasman boshlaydi.

Takidlash o'rinliki, yil so'nggi viloyat futboli uchun ancha zafarli keldi. Farg'ona shahrining “Istiqlol” jamoasi O'zbekiston chempionati Birinchi ligasiga muvaffaqiyatli yo'llanma olgan bo'lsa, Quvasoyning “Cementchi” jamoasi ligani kuchlilar safida yakunlandi. Bu esa Farg'onada futbol xar taraflama jadallik bilan rivojlanib borayotganidan dalolatdir.

Ayni paytga kelib “Farovon” futbol klubini tashkil etish bo'yicha so'nggi rasmiy ishlar nihoyalandi va jamoa kelgusi yildan boshlab Farg'ona viloyati ikkinchi ligasida o'z faoliyatini boshlaydi. 2018-yilga kelib esa jamoani Birinchi ligaga chiqishi borasida maqsad va vazifalar tayinlandi. SHu qatori klub qoshida futbol maktabi ham o'z ishini boshlaydi. “Farovon” FKni tashkil qilishdan asosiy maqsad, viloyatda futbolni yanada rivojlantirish, Marg'ilonda etishib chiqayotgan yosh futbolchilarni professional va etuk ijrochi sifatida tarbiyalash shuningdek Marg'ilonga katta futbol havosini olib kelishdir. Albatta yaqin kelajakda jamoa oldiga Oliy ligaga chiqish vazifasi ham qo'yilgan. Biz esa “Farovon” FKning yangi faoliyatida omad va zafarlar tilab qolamiz!